Толькі 6,4% насельніцтва Беларусі мелі ў першым паўгоддзі 2021 года даход на чалавека большы за $505.
Гэта вынікае з афіцыйных даных Белстата, які апублікаваў лічбы пра размеркаванне насельніцтва па ўзроўні сярэднедушавых наяўных рэсурсаў, паводле звестак выбарачнага абследавання хатніх гаспадарак.
Яшчэ адна лічба, якая ўражвае, — траціна беларусаў (32,2%) мела менш за $194 у першым паўгоддзі 2021 года.
Сярэднедушавыя наяўныя рэсурсы — гэта грошы, якія мела хатняе гаспадарка для забеспячэння ўсіх сваіх выдаткаў і зберажэнняў за справаздачны перыяд, у разліку на члена хатняй гаспадаркі.
Каментары