Пракуратура накіравала ў суд справу Аляксандрава, Леўшынай, Наважылава і Злобінай
Пракуратура Мінска накіравала ў Мінскі гарадскі суд справу ў дачыненні да журналіста Андрэя Аляксандрава, Ірыны Злобінай, а таксама галоўнага рэдактара і дырэктара «БелаПАН» Ірыны Леўшынай і былога дырэктара агенцтва Дзмітрыя Наважылава.
Паводле звестак Генпракуратуры, ім у розным спалучэнні інкрымінаваныя:
— падрыхтоўка з 14 жніўня 2020 года па 12 студзеня 2021 года не менш за 260 чалавек для ўдзелу ў дзеяннях, якія груба парушаюць парадак, шляхам аплаты штрафаў і іншых рахункаў, звязаных з затрыманнямі (Аляксандраў, Злобіна), (ч. 2 арт. 342)
— аказанне дапамогі замежнай арганізацыі «Байхэлп» і яе прадстаўнікам у дзейнасці, накіраванай на прычыненне шкоды нацыянальнай бяспецы Рэспублікі Беларусь (Аляксандраў, Злобіна), (ч. 1 арт. 356 Крымінальнага кодэкса Рэспублікі Беларусь).
— стварэнне з ліку работнікаў БелаПАН і не толькі «групы грамадзян, якая ў 2020-2021 гадах ажыццяўлялі экстрэмісцкую дзейнасць» у выглядзе стварэння «матэрыялаў з прыкметамі экстрэмізму», а таксама «кіраванне такім фармаваннем» (Аляксандраў, Наважылаў, Леўшына), (ч. 1 арт. 361-1 КК);
— ухіленне ад выплаты падаткаў ЗАТ «БелаПАН» (шкода каля 450 тысяч рублёў). Аляксандраў, Наважылаў (ч. 2 арт. 243 КК).
Цяпер чытаюць
Яўген Дудкін: Я быў сакрэтным супрацоўнікам КДБ. Але толькі да 2016 года17
Каментары