На Марыю Калеснікаву аказваецца ў калоніі ціск, яе пазбавілі права на доўгае спатканне з бацькам
Адміністрацыя гомельскай калоніі можа другі раз за тыдзень накласці спагнанне на асуджаную на 11 гадоў Марыю Калеснікаву
30 сакавіка Марыю Калеснікаву пазбавілі права на доўгае спатканне з бацькам. Са слоў Марыі, падставай для спагнання паслужыў нібыта няветлівы зварот да супрацоўніка калоніі пасля спаткання з адвакатам 24 сакавіка, паведамляе «Новы час».
Сёння, 6 красавіка, адбудзецца пасяджэнне камісіі ВК-4 у дачыненні да Марыі. Нібыта яна «перабівала» начальніка калоніі падчас працэдуры накладання папярэдняга спагнання.
У залежнасці ад таго, ці будзе накладзенае спагнанне і якой строгасці, магчымая сітуацыя,
пры якой Марыя будзе прызнаная злоснай парушальніцай парадку адбыцця пакарання. А гэта можа пацягнуць перавод у турму або змяшчэнне ў памяшканне камернага тыпу.
Каментары