Дачка і жонка Вацлава Іваноўскага маюць тытул «Праведнікі народаў свету»
Даведаўся пра гэта зусім выпадкова.
Тытул «Праведнікі народаў свету» меў АКавец з-пад Шчучына Альфонс Данілевіч, што быў у 7 батальёне 77 палка пяхоты Арміі Краёвай, якім кіраваў маёр Ян Піўнік «Пануры».
Калі пачаў высвятляць, якім чынам Данілевіч атрымаў гэты тытул (дарэчы, атрымаў яго пасмяротна), дык аказалася, што ён у 1941 годзе разам з дачкой Вацлава Іваноўскага Ганнай і жонкай Сабінай вывез з Вільні дзвюх габрэек, сябровак Іваноўскіх, і, такім чынам, выратаваў іх ад смерці.
Данілевіч да вайны працаваў ў маёнтку Іваноўскіх, і таму быў знаёмы з іх сям’ёй.
У 2001 годзе «Яд Вашэм» адзначыў усіх іх тытуламі «Праведнікі народаў свету». Такім чынам, прозвішча Іваноўскіх знаходзіцца на ганаровай табліцы ў Парку Праведнікаў Народаў Свету на Гары Памяці ў Ерусаліме.
Цяпер чытаюць
Бліжэйшым часам будуць вызвалены больш за 150 палітзняволеных17
Каментары