Зборная Беларусі прайграла ў першым матчы хакейнага алімпійскага турніру ў Ванкуверы.
Зборная Беларусі прайграла ў першым матчы хакейнага алімпійскага турніру ў Ванкуверы.
Лік па перыядах: 0:2, 1:1, 0:2.
Вароты беларусаў бараніў Віталь Коваль.
Фіны нанеслі 45 кідкоў па браме беларусаў, падапечныя Міхаіла Захарава - 12.
Шайбы: 0:1 – 03:24 – Олі Ёкінен (колькасная перавага, асіставалі Саку Койву, Цеему Селянэ), 0:2 – 17:50 – Ніклас Хагман (к.п. – Міка Койву, Ёні Піткянен), 1:2 – 20:21 – Сяргей Касціцын (Сяргей Дзямагін), 1:3 – 36:52 – Ніклас Хагман, 1:4 – 40:23 Вальтэры Філпула (Міка Койву), 1:5 – 52:59 – Ярка Руту (Ласа Куканен, Ніка Капанен).
Раніцай 18 лютага скончыўся матч ў нашай групе між зборнымі Швецыі і Германіі. Шведы перамаглі з лікам 2:0 (0:0, 2:0, 0:0).
***
Становішча ў групе С: Фінляндыя - 3 (баланс шайбаў 5-1), Швецыя - 3 (2-0), Германія - 0 (0-2), Беларусь - 0 (1-5).
Удзел у хакейным алімпійскім турніры бяруць 12 зборных, у прыватнасці, у групе А гуляюць: Канада, ЗША, Швейцарыя, Нарвегія, у групе В - Расія, Чэхія, Славакія, Латвія.
Тры пераможцы квартэтаў, а таксама лепшая сярод камандаў, якія занялі другія месцы, адразу атрымаюць месцы ў 1/4 фіналу.
Яшчэ чатыры чвэрцьфіналісты Алімпіяды вызначацца ў так званым кваліфікацыйным раўндзе плэй‑оф (23 лютага),
дзе выступяць астатнія ўдзельнікі Гульняў, пашыхтаваныя паводле ранжыру у залежнасці ад іх турнірных паказчыкаў папярэдняй стадыі (месца ў групе, колькасць набраных балаў, розніца шайбаў і г.д.). У кваліфікацыйным раўндзе плэй‑оф 5‑я каманда сустрэнецца з 12‑й, 6‑я — з 11‑й, 7‑я — з 10‑й, 8‑я — з 9‑й.
Дык вось у рэйтынгу пасля першага туру беларусы займаюць 10-е месца.
Горшыя вынікі толькі ў Латвіі, якая трапіла пад Расію з лікам 2:8 ды Нарвегіі, што была раздушана Канадай - 0:8.
***
Беларусы наступны матч правядуць у пятніцу, 19 лютага, супраць зборнай Швецыі (пачатак а 22-й).
З Германіяй падапечныя Міхаіла Захарава згуляюць у Ванкуверы 20 лютага. У Мінску гэта будзе 7-я раніцы нядзелі, 21 лютага.
Каментары