Грамадства33

Выхавацеля вучылішча алімпійскага рэзерву з Мазыра асудзілі за замах на здраду дзяржаве

Аляксандр Яжэўскі доўгі час працаваў у адукацыі і камерцыі, але цяпер мужчыну кінулі за краты паводле цяжкага крымінальнага артыкула.

Аляксандр Яжэўскі

Аляксандру Яжэўскаму 58 гадоў. Ён з Мазыра. Ягоны працоўны шлях быў даволі разнастайным: у 90‑х і пачатку нулявых меў статус ІП, пасля працаваў начальнікам аховы на камунальным прадпрыемстве, а пазней быў дырэктарам у дробных прыватных кампаніях.

Урэшце мужчына змяніў сферу дзейнасці і з 2011 працаваў выхавацелем у філіяле Гомельскага дзяржаўнага вучылішча алімпійскага рэзерву. Установа рыхтуе маладых спартсменаў па акадэмічным веславанні, веславанні на байдарках і каноэ, цяжкай і лёгкай атлетыцы, а таксама веласпорце.

Нядаўна Яжэўскага асудзілі ў Магілёўскім абласным судзе паводле ч. 1 арт. 14 і ч. 1 арт. 356 Крымінальнага кодэкса Беларусі — замах на здраду дзяржаве. Дакладныя абставіны справы застаюцца невядомымі, але Аляксандру пагражала ад сямі да пятнаццаці гадоў.

Цяпер 58‑гадовы мазырчук адбывае пакаранне ў калоніі.

Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Гэта выклікала масавыя народныя пратэсты, у якіх удзельнічалі мільёны людзей. У адказ на гэта ўлады распачалі арышты.

Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 9594 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы) зачапілі каля 500 тысяч беларусаў. Некалькі соцень тысяч людзей вымушаныя былі пакінуць краіну. 

«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў ці праявы салідарнасці з Украінай. 

«Наша Нiва» — бастыён беларушчыны

ПАДТРЫМАЦЬ

Каментары3

  • Андрусь
    18.07.2026
    Пра гэта ж яшчэ ўчора была навіна.
  • Андрусь
    18.07.2026
    Ён жа не выхавальнікам, а памочнікам выхавальніка быў. Відаць, праз тое, што 15 год таму быў судзімы.
  • Сум
    18.07.2026
    Аляксандру моцы прайсці праз гэта выпрабаванне з годнасцю.

Цяпер чытаюць

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Усе навіны →
Усе навіны

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

больш чытаных навін
больш лайканых навін

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць