Łatarejny miljarder ź Viciebsku: Pierad vyjhryšam ja pastaviŭ śviečku Mikałaju Cudatvorcu
Andrej Musik achviaravaŭ častku hrošaj na dabračynnaść i carkvie, a na astatniaje nabudzie kvateru i budzie raźvivać biznes.
Andrej Musik, jaki vyjhraŭ u łatareju «Supierłato» 1 młrd rubloŭ, spadziajecca, što hrošy jaho nie sapsujuć, i što jon zmoža naviedać Aŭstraliju.
Fartuna ŭśmichnułasia Andreju napiaredadni Novaha hoda. «Pa televizary išła zabaŭlalnaja rekłama „Supierłato“ ŭ vyhladzie mulcika. I ja vyrašyŭ dasłać SMS. Heta było 25 śniežnia. A
„Vinšujem, vy vyjhrali miljard!“ Kažu: „Dziaŭčyna, razyhrać mianie vam nie ŭdasca“. Kančatkova ŭ vyjhryšy mianie pierakanali tolki paśla Novaha hoda, kali patelefanavali jašče raz», —uspaminaje viciebski miljarder.
U dołarach jahony vyjhryš składaje bolš za $115 000. Heta samaja bujnaja suma, vyjhranaja ŭ łatareju na terytoryi SND z dapamohaju kvitka, nabytaha praz mabilny telefon. Matyvacyju nabyćcia kvitka Andrej rastłumačyŭ tak: «Mnie była važnaja nie sama suma hrošaj, a toje, jak vypadzie hety šaniec. Ja paličyŭ, što jon budzie tolki ŭ adnaho z 200 000 nabytych kvitkoŭ. Kali ja dasyłaŭ SMS, dumaŭ: „Niakiepska było b atrymać hety miljard!“ Ale toje, što hety šaniec vypaŭ mienavita mnie, stała poŭnaju niečakanaściu».
20 miljonaŭ rubloŭ Musik pieraličyŭ fondu «Dotyk da žyćcia», jaki dapamahaje dzieciam, što pakutujuć na ankałahičnyja zachvorvańni.Jon padkreślivaje, što žyvie pavodle pryncypu: hrošy treba addavać tym, chto žyvie ŭ niastačy, a kali daješ ad čystaha serca, to viartajecca jašče bolš.
Častku hrošaj Andrej taksama źbirajecca achviaravać carkvie.Pierad tym, jak Andrej daviedaŭsia pra vyjhryš, u jaho byli nieraźviazanyja prablemy, i viciebčuk vyrašyŭ naviedać carkvu. «Zajšoŭ u Pakroŭski sabor u Viciebsku, padyšoŭ da abraza Mikałaja Cudatvorcy. Pastaviŭ śviečku i paprasiŭ nastavić mianie na šlach vyznačeńnia. Nijakich hrošaj ja nie prasiŭ, u Hospada naahuł nikoli nielha hetaha prasić. Ale adbyłosia voś tak», — padkreśliŭ maładzion.
Siarod płanaŭ ščaśliŭca nabyćcio kvatery, bo pakul što davodzicca zdymać:
«Žytło, chutčej za ŭsio, nabudu ŭ Viciebsku —pa-mojmu , heta najlepšy horad z usich, dzie ja byvaŭ, i ja jaho vielmi lublu».
Asnoŭnuju častku vyjhryšu Musik układzie va ŭłasny biźnies, źviazany, imavierna, z budaŭnictvam piečaŭ, kaminaŭ, bo ŭ hetaj śfiery jon maje dośvied. Kali ž prajekt akažacca nie vyhadny, Andrej maje inšyja idei.
Uładalnik ščaślivaha kvitka pryznaŭsia: zvyčak bahataha čałavieka ŭ jaho niama i nie źjavicca: «Ja nie tranžyr, ale padarunki ludziam rabić lublu. Naahuł vialikija hrošy psujuć ludziej. Ja chaču, kab sa mnoju hetaha nie adbyłosia». Svaim chobi jon nazvaŭ padarožžy:
«Ja šmat dzie pabyvaŭ, pryčym zaŭsiody vybiraŭ samyja dalokija punkty na karcie. A naahuł maja mara — źjeździć u Aŭstraliju».
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?1
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary