Na bryfinhu ŭ Śledčym kamitecie Dźmitry Piatko, pradstaŭnik SK, paviedamiŭ akaličnaści kryminalnaj spravy ab kradziažy hrošaj z kredytnych kartak klijentaŭ Biełźniešekanombanka.
Supracoŭnik Biełźniešekanombanku atrymaŭ dostup da kamputarnych dadzienych ab kredytnych kartkach klijentaŭ banku. Źniaŭ z kartak klijentaŭ ahulnuju sumu ŭ 270 młn rubloŭ. Vyznačyć jaho ŭdałosia tolki praz hod. Ciapier jamu pahražaje da 15 hadoŭ pazbaŭleńnia voli. Pakolki jon całkam kampensavaŭ hrašovuju škodu, mieru źmianili na vyzvaleńnie pad zakład.
Uvieś hety čas supracoŭnik praciahvaŭ pracavać u banku. Jak kankretna ŭdałosia jaho vyznačyć, Dźmitry Piatko paviedamlać admoviŭsia.
Alaksandar Suško, načalnik upraŭleńnia raśśledavańnia złačynstvaŭ suprać infarmacyjnaj biaśpieki i intelektualnaj ułasnaści Hałoŭnaj upravy Śledčaha kamitetu Respubliki Biełaruś, paviedamiŭ, što ciapier raśśledujecca kala 7 spraŭ. Pa niekatorych ź ich idziecca pra kradziež sumaŭ u miljony dalaraŭ.
Suško vykazaŭ zaniepakojenaść tym, što banki admaŭlajucca viartać hrošy klijentam, jakija stali achviarami karderaŭ, spasyłajučysia na toje, što banki nie abaviazanyja kampensavać škodu, naniesienuju trecimi asobami. Naprykład, Biełźniešekanombank nie chacieŭ kampensavać hrošy, navat kali Śledčy kamitet jamu paviedamiŭ, što złačynstva ŭčyniena supracoŭnikam banku. Jon adznačyŭ, što nieabchodny narmatyŭny akt, jaki b abaviazvaŭ kiraŭnictva banku da takich dziejańniaŭ.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary