Dziaržaŭny kamitet pa majomaści abviaściŭ pra płanavany prodaž na aŭkcyjonach i pa konkursie akcyj bolš za 80 pradpryjemstvaŭ i jašče niekalkich pradpryjemstvaŭ jak majomasnych kompleksaŭ.
U raźmieščanym 10 kastryčnika na sajcie Dziaržkammajomaści paviedamleńni havorycca, što da prodažu na aŭkcyjonach prapanujucca akcyi ŭ tym liku SZAT «Škłozavod Jalizava» (35% akcyj), AAT «Viciebski pryborabudaŭničy zavod» (60,9%), AAT «Brescki radyjotechničny zavod» (86,16%), AAT «Ivacevičydreŭ» (42,22%), AAT «Viciebski płodaaharodninny kambinat» (99,96%).
Pavodle konkursu pradajucca akcyi 33 pradpryjemstvaŭ, u tym liku AAT «Mazyrski NPZ» (42,76%), AAT «Kirujučaja kampanija chołdynhu «Haryzont» (99,88%), AAT «Avijakampanija «Transavijaekspart» (99,89%), AAT «BATE — kirujučaja kampanija chołdynhu «Aŭtakampanienty» (25%), AAT «Minski zavod aciaplalnaha abstalavańnia» (25,83%).
Jak majomasnyja kompleksy pradajucca dva pradpryjemstvy: RUP «Biarozatara» i RUVP «Ekzon-Hlukoza».
Asoba, zacikaŭlenaja ŭ kupli naležačych Respublicy Biełaruś akcyj (dolej) akcyjaniernych (haspadarčych) tavarystvaŭ i pradpryjemstvaŭ jak majomasnych kompleksaŭ, nakiroŭvaje ŭ Dziaržaŭny kamitet pa majomaści zajavu pavodle formy.
Zajavy buduć vyvučacca kamisijaj pa razhladzie zajaŭ patencyjnych inviestaraŭ (pakupnikoŭ) ab zacikaŭlenaści ŭ kupli akcyj (dolej) akcyjaniernych (haspadarčych) tavarystvaŭ i pradpryjemstvaŭ jak majomasnych kompleksaŭ i pa vynikach razhladu hetych zajaŭ kamisijaj rychtujucca prapanovy ab metazhodnaści padrychtoŭki prajektaŭ rašeńniaŭ prezidenta Biełarusi ab prodažy. Prodaž dziaržakcyj akcyjaniernych tavarystvaŭ ažyćciaŭlajecca pavodle rašeńni Łukašenki.
Pačatkovaja cana prodažu akcyj (dolej) ustanaŭlivajecca pa najbolšaj ź ich rynkavaj abo bałansavaj canie, vyznačanaj na 1 studzienia hoda prodažu hetych akcyj (dolej). Vyznačeńnie rynkavaj acenki akcyj (dolej) ažyćciaŭlajecca paśla pryniaćcia rašeńnia prezidenta pa ich prodažy.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary