Pryniata rašeńnie pra pieranos pracoŭnych dzion u 2014-m: šmat doŭhich vychodnych
U Biełarusi pryniata rašeńnie ab pieranosie pracoŭnych dzion u 2014 hodzie.Takoje rašeńnie źmiaščajecca ŭ pastanovie Savieta Ministraŭ ad 25 listapada №1012.
Pracoŭnyja dni ŭ 2014 hodzie pieranosiacca nastupnym čynam:
z čaćviarha 2 studzienia na subotu 4 studzienia;
z paniadziełka 6 studzienia na subotu 11 studzienia;
ź sierady 30 krasavika na subotu 3 maja;
ź piatnicy 4 lipienia na subotu 12 lipienia;
ź piatnicy 26 śniežnia na subotu 20 śniežnia.
Arhanizacyjam dadziena prava z ulikam śpiecyfiki vytvorčaści (raboty) ažyćciaŭlać pieranos rabočych dzion u inšym paradku ŭ adpaviednaści z zakanadaŭstvam.
Takim čynam na Novy hod biełarusy buduć adpačyvać dva dni: 1 i 2 studzienia (sierada — čaćvier); 31 śniežnia 2013 h. budzie pracoŭnym skaročanym dniom;
na pravasłaŭnyja Kalady z 5 pa 7 studzienia (niadziela — aŭtorak);
buduć vychodnyja, jakija źviažuć Radaŭnicu i Pieršamaj (29 krasavika — 1 maja, aŭtorak — čaćvier),
vialikija vychodnyja, źviazanyja z aficyjnym Dniom niezaležnaści: 3—6 lipienia (čaćvier — niadziela);
Vialikija katalickija Kalady: z 25 pa 28 śniežnia (čaćvier — niadziela).
Kamientary