Aleksijevič, Eka, Pamuk i jašče 500 piśmieńnikaŭ vystupili za abmiežavańnie kantrolu śpiecsłužbaŭ u internecie
Pietecyja źjaviłasia 10 śniežnia, u Mižnarodny dzień pravoŭ čałavieka, na sajcie change.org.
Usiaho pad zvarotam u Arhanizacyju Abjadnanych Nacyj padpisałasia 562 aŭtary, u tym liku piaciora Nobieleŭskich łaŭreataŭ — Archan Pamuk, Džon Kutzeje, Elfryda Jelinek, Tomas Transtrumier i Hiunter Hras.
«Apošnimi miesiacami infarmacyja pra masavyja maštaby sačeńnia za ludźmi ŭ internecie stała ahulnaviadomaj. Z dapamohaj usiaho niekalki pstryčak myškaj dziaržava moža atrymać dostup da vašych mabilnych telefonaŭ, elektronnaj pošty, sacyjalnych sietak i radku pošuku ŭ internecie.
Jany mohuć prasačyć vašy palityčnyja pohlady, sabraŭšy ŭ supracoŭnictvie ź internet-karparacyjami ŭsiu infarmacyju pra vas, pradkazać vašy patreby i pavodziny», — havorycca ŭ pietycyi.
«Asnoŭnaj aporaj demakratyi demakratyi źjaŭlajecca niedatyčnaja cełasnaść asoby. Cełasnaść čałavieka vychodzić za miežy fizičnaha cieła. U svaich dumkach i svaich asabistych kamunikacyjach ludzi majuć prava zachoŭvać pryvatnaść i nieŭmiašańnie. Hetaje fundamientalnaje prava akazałasia niadziejsnym šlacham złoŭžyvańnia technałahičnych raspracovak dziaržavami i karparacyjami ŭ metach masavaha nazirańnia».
U kancy zvarota piśmieńniki zaklikajuć AAN pryznać važnaść abarony hramadzianskich pravoŭ u ličbavuju epochu, i stvaryć Mižnarodny bil ab ličbavych pravach.
Ad Biełarusi hetuju pietycyju pakul padpisali Śviatłana Aleksijevič i Valžyna Mort.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary