U Mienharvykankam padadzienyja dźvie zajaŭki ad imia Kanservatyŭna‑chryścijanskaj partyi BNF na praviadzieńnie šeścia i mitynhu ŭ Kurapatach 28 kastryčnika.
Tradycyjnaje šeście na Dziady, što ładzić KCHP — BNF, projdzie ŭ niadzielu 28 kastryčnika ad hadzińnikavaha zavodu (st. metro «Park čaluskincaŭ»). Pačatak akcyi a 10:30, potym vulicami Miensku demanstranty projduć va ŭročyšča Kurapaty, dzie ad 14.30 pa 17.00 adbudziecca mitynh.
«Ničoha ŭ našaj krainie nie źmianiajecca, tamu i farmat adznačeńnia Dziadoŭ sioleta budzie tradycyjnym» — zaznačyŭ namieśnik staršyni KCHP‑BNF Juraś Bieleńki. «U Kurapatach my ŭšanujem pamiać usich pakaleńniaŭ biełarusaŭ, što zahinuli ŭ vyniku šmatlikich vojnaŭ dy stalinskaha hienacydu» — patłumačyŭ palityk.
Ju. Bieleńki raspavioŭ taksama, što da Dziadoŭ musić być adnoŭleny Kryž Pakuty, dziela čaho KCHP — BNF utvaryła Hramadzki kamitet. Staršyniom Kamitetu abrany Zianon Paźniak, vykanaŭčym arhanizataram — Jury Bieleńki. U Kamitet uvajšli nia tolki palityki, ale j pradstaŭniki hramadzkaści, siarod jakich akademik Radzim Harecki, historyk Anatol Hryckievič, mastak Mikoła Kupava dy inš.
«Vielmi važna, što ŭ adnaŭleńni Kryža prymuć udzieł mastaki — jahonyja aŭtary» — padkreśliŭ namieśnik staršyni partyi.
U Kurapatach dahetul zastajecca šmat miescaŭ rasstrełaŭ, nie paznačanych kryžami. Hramadzianie, što žadajuć ustalavać va ŭročyščy kryž, mohuć źviartacca da sakratara Ŭpravy Alesia Čacholskaha, jaki prymaje achviaravańni. Na atrymanyja srodki buduć vyrablenyja kryžy, a achviaradaŭcy zmohuć ich ustalavać u Kurapatach. Kantaktny telefon: +375 29 124 46 86.
-
Akazvajecca, Biełaruś nie davała terytoryi dla napadu na Ukrainu. Łukašenka śćviardžaje, što heta było niešta inšaje
-
«Hałoŭnaje, kab nie było havorki, što baćki ŭvohule nie isnuje»: Vasil Drańko-Majsiuk adreahavaŭ na intervju svajoj byłoj žonki Valaryny Kustavaj
-
U Minsku pa Śvisłačy budzie chadzić račny tramvaj
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ35
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3939
Kamientary