Pabačyli śviet dva dyski biełaruskamoŭnych pravasłaŭnych bohasłužbaŭ: audyjodysk «Bažestviennaja Liturhija» i dysk u farmacie MR‑3 «Pačuj, Boža, malitvu maju!», a taksama brašura «Malebien za biełaruski narod z akafistam prapadobnaj Jeŭfrasińni Połackaj».
Infarmacyjnym ahienctvam Biełaruskaj Pravasłaŭnaj Carkvy sumiesna z Bractvam u honar Vilenskich mučanikaŭ vypuščany dva dyski biełaruskamoŭnych pravasłaŭnych bohasłuženiaŭ: audyjo‑dysk «Bažestviennaja Liturhija» i dysk u farmacie MR‑3 «Pačuj, Boža, malitvu maju!», jaki ŭklučaje:
- ustupnaje słova protaijereja Sierhija Harduna pra pierakłady bohasłužebnych tekstaŭ na biełaruskuju movu;
- Bažestviennuju Liturhiju;
- Malebien;
- Panichidu (zapis z udziełam maładziožnaha choru Śviata‑Pietra‑Paŭłaŭskaha sabora h. Minska);
- Malitvy ranišnija;
- Malitvy viačernija (čytaje protaijerej Sierhij Hardun);
- Piesnapieńni Bahahłaśnika (vykonvaje Bracki chor Śviata‑Pietra‑Paŭłaŭskaha sabora h.Minska).
Raniej, u vieraśni 2007 hoda Bractva ŭ honar Vilenskich mučanikaŭ vydała brašuru «Malebien za biełaruski narod z akafistam prapadobnaj Jeŭfrasińni Połackaj». Hetaje čarhovaje bahasłužebnaje vydańnie na biełaruskaj movie źmiaščaje novuju redakcyju biełaruskaha pierakładu akafista prp. Jeŭfrasińni Połackaj z ulikam praktyki biełaruskamoŭnych bohasłužeńniaŭ. Vydańnie vykanana pa prośbie i pry ŭdziele minskaha chrama ŭ honar ikony «Usich harotnych Radaść», dzie ŭ 1‑iu subotu kožnaha miesiaca ŭ 17‑00 pravodzicca na biełaruskaj movie malebien za biełaruski narod z akafistam prp. Jeŭfrasińni.
Kamientary