Narodny deputat Ukrainy, namieśnik kiraŭnika Partyi rehijonaŭ Siarhiej Cihipka miarkuje, što dla ŭrehulavańnia situacyi ŭ Krymie kiraŭnictvu Ukrainy, Krymu i Rasii treba sieści za stoł pieramovaŭ.
«Nieabchodna sfarmavać rabočyja hrupy, jakija buduć vieści pieramovy z parłamientam Kryma i, pierš za ŭsio, z kiraŭnictvam Rasijskaj Fiederacyi», — miarkuje deputat, paviedamlajecca na jaho aficyjnym sajcie ŭ subotu.
Palityk taksama padkreśliŭ, što situacyja ŭ Krymie ciažkaja i nieabchodna zrabić usio, kab paźbiehnuć siłavoha varyjantu raźvićcia padziej.
Pavodle infarmacyi ahienctva Interfaks-Ukraina, u subotu ranicaj Cihipka vylecieŭ u Maskvu dla praviadzieńnia pieramovaŭ z rasijskimi palitykami adnosna mirnaha ŭrehulavańnia situacyi ŭ Krymie.
Tym časam Rasija praciahvaje ściahvać vojski ŭ Krym i pamiežnyja z Ukrainaj rehijony Rasii. Tym časam aktyvisty rasijskich nacyjanalistyčnych arhanizacyj, što finansujucca z Maskvy, arhanizavali mitynhi i šturm administratyŭnych budynkaŭ u Daniecku, Charkavie, Mikałajevie pad rasijskimi dziaržaŭnymi ściahami.
Realizujecca scenar raskołu Ukrainy abo raspalvańnia vajny na jaje terytoryi.
Kamientary