Prezident Rasii Uładzimir Pucin dniom 6 sakavika pravioŭ apieratyŭnuju naradu z členami Rady biaśpieki RF, padčas jakoj abmiarkoŭvałasia pryniataje parłamientam Kryma rašeńnie źviarnucca z prośbaj ab uvachodžańni paŭvostrava ŭ skład Rasii. Pra heta paviedamlaje «Interfaks».
Ab vynikach narady aficyjnaj infarmacyi niama.
U sustrečy prymali ŭdzieł premjer Dźmitryj Miadźviedzieŭ, śpikier Dziarždumy Siarhiej Naryškin, kiraŭnik prezidenckaj administracyi Siarhiej Ivanoŭ, sakratar FSB Mikałaj Patrušaŭ i jaje kiraŭnik Mikałaj Bortnikaŭ, kiraŭnik MUS Uładzimir Kałakolcaŭ, ministr abarony Siarhiej Šajhu, dyrektar SZR Michaił Fradkoŭ, a taksama pastajanny člen Rady biaśpieki Barys Hryzłoŭ.
U rasijskaj Dziarždumie ŭžo zajavili, što hatovyja ŭ ścisnutyja terminy pryniać zakonaprajekt, jaki praduhledžvaje sproščanaje ŭvachodžańnie častak inšych dziaržaŭ u skład RF, jaki byŭ uniesieny jašče ŭ kancy lutaha. Pa słovach aŭtara dakumienta Siarhieja Mironava, hety zakonaprajekt pieršapačatkova zadumvaŭsia im z ulikam situacyi ŭ Krymie.
-
Znajšli statuetku «Oskara» Paŭła Tałankina, što zhubiłasia padčas pieralotu ź Ńju-Jorka ŭ Frankfurt
-
Žonka zahinułaha biełaruskaha dobraachvotnika patrabuje źmianić zakon pra zvańnie «Hieroj Ukrainy», jakim nielha ŭznaharodzić zamiežnikaŭ
-
Rasšyfravany virus Fast16, jaki škodziŭ iranskaj jadziernaj prahramie
Ciapier čytajuć
U Jeŭrasajuzie 550 tysiač biełarusaŭ z dazvołami na žycharstva4
Kamientary