Administracyja ZŠA vykazała zakłapočanaść u suviazi z padziejami, jakija adbylisia ŭ minułyja vychodnyja va Ukrainie, paviedamiŭ u paniadziełak pradstaŭnik Biełaha doma Džej Kerni. «My zaniepakojenyja šeraham krokaŭ, jakija pryviali da eskałacyi situacyi va Ukrainie ŭ minułyja vychodnyja. Heta vynik uzmacniŭšahasia cisku Rasii na Ukrainu», — adznačyŭ jon.
«My bačyli hrupy prarasijskich demanstrantaŭ, jakija zachapili ŭradavyja budynki ŭ Charkavie, Daniecku i Łuhansku. U nas jość važkija padstavy ličyć, što niekatorym demanstrantam zapłacili, i jany nie źjaŭlajucca miascovymi žycharami», — adznačyŭ jon. «Kali Rasija prasuniecca va ŭschodniuju častku Ukrainy, adkryta abo tajemna, heta budzie vielmi surjoznaj eskałacyjaj», — zajaviŭ Dž.Kerni.
U suviazi z hetym u Vašynhtonie zaklikali Maskvu «spynić namahańni pa destabilizacyi situacyi na Ukrainie». «I my pieraścierahajem ad dalejšaj vajennaj interviencyi», — dadaŭ pres-sakratar Biełaha doma.
Kamientary