Parašenka nie źbirajecca mianiać Jacaniuka na pasadzie premjera
Piatro Parašenka, jaki lidziruje pa papiarednich źviestkach u prezidenckaj honcy, nie płanuje mianiać premjer-ministra paśla inaŭhuracyi.
«Pa Kanstytucyi Ukrainy prezidenckija vybary nie ciahnuć adstaŭku premjer-ministra. Ja liču, što dziejnaść Arsienija Piatroviča (Jacaniuka) na pasadzie premjer -ministra na dadzienym etapie źjaŭlajecca udałaj», — skazaŭ Parašenka na bryfinhu ŭ svaim štabie.
«Byli praviadzieńnia dosyć rašučyja kroki pa arhanizacyi mižnarodnaj dapamohi, byŭ atrymany kredyt Mižnarodnaha valutnaha fondu — i ja dumaju, što supracoŭnictva, u tym liku i ŭ pieršuju čarhu, u ekanamičnaj płoskaści, z kiraŭnikom ukrainskaha ŭrada Arsienijem Jacaniukom moža być efiektyŭnaj. Ja na heta spadziajusia», — adznačyŭ jon.
«I tamu nijakich płanaŭ pa źmienie kiraŭnictva ŭrada ja nie maju», — zajaviŭ Parašenka.
Jon taksama skazaŭ, što ŭ jaho na vybarach nie było kankurentaŭ pa sutnaści, bo Ukraina jak nikoli maje patrebu ŭ adzinstvie, u tym liku i palityčnych sił.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary