«Ja nie vieru ŭ toje, što Rasieja choča jašče adchapić Uschodniuju Ukrainu, choć niekatorym heta zdajecca realnym, tym bolš što ŭ Ukrainy niama praktyčna mocnaj armii», — zajaviŭ Alaksandr Łukašenka 17 kastryčnika na pres-kanfierencyi dla rasijskich rehijanalnych ŚMI.
«Što budzie dalej u Krymie, pytańnie važniejšaje. Nie ŭsio tak adnaznačna, jak heta malujuć. Napiaredadni zimy tam budzie jašče bolš składana, bo Krym adrezany ad kamunikacyj. Ciažka budzie jaho zabiaśpiečyć», — skazaŭ kiraŭnik Biełarusi.
U toj ža čas Łukašenka ličyć, što Rasija budzie imknucca vykanać usie svaje abaviazacielstvy pierad Krymam i Sievastopalem.
«Palityki nie mohuć stracić svajo abličča, ale dla Rasii hetaja noša budzie vielmi składanaj», — praciahvaŭ Alaksandr Łukašenka.
U cełym padziei va Ukrainie Łukašenka havaryŭ amal hadzinu.
Łukašenka adznačyŭ, što nianaviść da Rasii va Ukrainie pačała nakaplivacca paśla taho, jak Rasija pačała nakručvać ceny na haz.
Jon asudziŭ parušeńnie terytaryjalnaj cełasnaści Ukrainy nasupierak Budapiešckamu miemarandumu.
«Niedapuščalna, kali niejkaja dziaržava parušaje tuju terytaryjalnuju cełasnaść, jakaja była harantavanaja, i adymaje častku terytoryi ŭ toj ci inšaj dziaržavy. Tamu kali ŭčystuju kazać, što niejkaja dziaržava adniała častku terytoryi ŭ inšaj dziaržavy, heta niapravilna».
Jon taksama zaklikaŭ baki kanfliktu spynić vajennyja dziejańni.
Alaksandr Łukašenka ŭskłaŭ vinu za padziei va Ukrainie na Viktara Janukoviča. «Pry Viktaru Fiodaraviču Janukoviču była stvorana takaja sistema kiravańnia krainaj… Nie chaciełasia b jaje charaktaryzavać, ale toje, što ja viedaju, takaja sistema paboraŭ, chabaraŭ i karupcyi, jakaja była prosta niaścierpnaja dla narodu», — zajaviŭ Alaksandr Łukašenka.
Jon taksama padkreśliŭ, što ličyć absurdam razvahi niekatorych palitykaŭ ab tym, što Rasija moža pasprabavać zachapić i častku terytoryi Biełarusi. «I nie dumajcie, što ja tut bajusia, jak niekatoryja ŭ Rasii! Asabliva ŭ nas, apazicyja, nacmieny našy, nacyjanalisty mianie pałochajuć: siońnia Ukraina, zaŭtra Biełaruś, a paślazaŭtra Kazachstan, ci naadvarot. Ja nie dapuskaju, kab Biełaruś tam u niejkaj čarhovaści stała čarhovaj dziaržavaj, u jakoj Rasija ź niejkich pryčynaŭ zabiare častku terytoryi ci ŭsiu Biełaruś», — skazaŭ Łukašenka.
«Ja kažu, Uładzimir Uładzimiravič, vy nie pieražyvajcie. Heta vy, kažu, pavinny naprahacca. Častka smalenskich, branskich abo pskoŭskich ziamiel niekali naležali Biełarusi, tamu daviadziecca padzialicca», — žartaŭliva raskazaŭ Łukašenka.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA22
Kamientary