Za pieršyja dni hetaha hoda na darohach Homielskaj vobłaści zahinuŭ adzin i traŭmavanyja čatyry piešachody. Va usich vypadkach kiroŭcy ŭciakli ź miesca avaryi.
Jak paviedamili va ŭpraŭleńni DAI UUS Homielskaha abłvykankama, 2 studzienia ŭ Kalinkavičach 36-hadovy kiroŭca aŭtamabila «Miersiedes-Benc» učyniŭ najezd na piešachoda 1985 hoda naradžeńnia, jaki ruchaŭsia pa krai prajeznaj častki. Ad atrymanych traŭm piešachod pamior na miescy DTZ. Kiroŭca ź miesca zdareńnia ŭciok, ale na praciahu hadziny byŭ zatrymany supracoŭnikami DAI. U dačynieńni da jaho raspačata kryminalnaja sprava.
U Homieli 1 studzienia 48-hadovy kiroŭca aŭtamabila «Porše-Kajen» učyniŭ najezd na maładoha čałavieka 1994 hoda naradžeńnia, jaki lažaŭ na prajeznaj častcy. Apošni z traŭmami źmieščany ŭ balnicu chutkaj dapamohi. Kiroŭca ź miesca zdareńnia taksama ŭciok i nie paviedamiŭ pra DTZ u milicyju. Na nastupny dzień jaho asobu ŭstanavili supracoŭniki DAI.
U navahodniuju noč u 01.34 u Rahačoŭskim rajonie kiroŭca aŭtamabila «Nisan-Almiera» ŭčyniŭ najezd na žančynu 1974 hoda naradžeńnia, jakaja pierachodziła prajeznuju častku pa nierehulavanym piešachodnym pierachodzie. Žančyna atrymała traŭmy, kiroŭca ź miesca DTZ uciok, ale byŭ zatrymany ŭ susiednim Buda-Kašaloŭskim rajonie ŭ vyniku płana «Pierachop».
U Rahačovie ŭ navahodniuju noč 20-hadovy małady čałaviek, nie majučy prava kiravańnia mašynaj, na aŭtamabili «Chundaj-Akcent» učyniŭ najezd na 30-hadovaha piešachoda, jakija stajaŭ pasiaredzinie prajeznaj častki. Piešachod atrymaŭ traŭmy, kiroŭca i ŭ hetym vypadku ŭciok. Jaho asobu ŭstanavili taksama ŭ vyniku płana «Pierachop».
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci30
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary