Na sajcie solidarity16.org ad imia arhanizataraŭ «Dzion biełaruskaj salidarnaści» źjaviŭsia zvarot zvarot, u jakim, u pryvatnaści havorycca:
«Vyniki prezidentskich vybaraŭ u Biełarusi byli sfalsifikavanyja ŭładami. Mižnarodnaja supolnaść ich nie pryznała. Uviedzienyja sankcyi suprać biełaruskich čnoŭnikaŭ, vinavatych ŭ falsifikacyjach padčas vybarčaj kampanii. Tolki represii dapamahli Łukašenku padavić masavyja pratesty. Tysiačy ludziej byli kinutyja ŭ turmy, zvolnienyja z pracy, adličanyja z navučalnych ustanovaŭ, prajšli praz katavańni i źbićcio.
Ale biełarusaŭ nie zdoleli złamać. Akcyi pratestu nie spyniajucca z 19 sakavika. Chvala mižnarodnaj salidarnaści ź Biełaruśsiu prakaciłasia pa ŭsim śviecie. Tolki kiraŭnictva Rasii pryznała vybary i praciahvaje akazvać režymu Łukašenki maralnuju, palityčnuju, ekanamičnuju padtrymku. Rasijskija čynoŭniki - Łaŭroŭ, Hryzłoŭ, Rušajła - razam ź biełaruskim dyktataram niasuć adkaznaść za jaho złačynstvy. Siońnia dla ŭsiaho śvieta vidavočna, što apošniaja dyktatura Jeŭropy ŭtrymlivajecca dziakujučy rasijskaj padtrymkie.
Pavažanyja rasijanie! My ŭdziačnyja ŭsim, chto byŭ z nami na vulicach Minska, chto prajšoŭ zaścienki biełaruskaha režyma, chto sumlenna vykonvaŭ svoj žurnalistski abaviazak, chto pravodziŭ akcyi salidarnaści ŭ biełaruskich haradach. Ale łukašienizacyja siońnia pahražaje nie tolki Biełarusi, ale i Rasii. Padtrymka biełaruskaha dyktatara nie krasić vašuju krainu.
My, arhanizatary Dzion biełaruskaj salidarnaści, zaklikajem biełarusaŭ, jakija žyvuć za miažoj, i siabroŭ našaj krainy 16 krasavika pryjści da dypłpmatyčnych pradstaŭnictvaŭ Rasijskaj Fiedieracyi ŭ svaich krainach z patrabavańniem spynić padtrymku biełaruskaha režyma.
My ličym, što zapłanavanavany na lipień 2006 hoda samit «vialikaj vaśmiorki» nie musić prajści ŭ Sankt-Pietiarburhu, kali ŭ Biełarusi nie budzie spynieny teror suprać hramadzianskaj supolnaści, nie buduć daśledavanyja spravy źnikłych apanientaŭ režyma, pakul nie buduć vyzvalenyja ŭsie biełaruskija palitviaźni. U kiraŭnictva Rasii jość ryčahi, kab paŭpłyvać na Łukašenku.
My zaklikajem biełarusaŭ praciahvać akcyi salidarnaści z palitviaźniami, siemjami źnikłych, z usimi, chto zmahajecca za svabodu Biełarusi. 16 krasavika 2006 hoda kožny z nas moža pravieści svaju akcyju.
My taksama zaklikajem pryjści ŭ 20.00 da pasolstva Rasijskaj Fiederacyi ŭ Minsku (vuł. Kamunistyčnaja, 6) sa śviečkami i partretami biełaruskich źnikłych i palitviaźniaŭ.
Za vašu i našu svabodu!»
Inicyjatyva praviadzieńnia dzion biełaruskaj salidarnaści zajmieła papularnaść nia tolki ŭ Biełarusi, ale i ŭ inšych krainach. 16 dnia kožnaha miesiaca a 20-j hadzinie ludzi zapalvajuć u voknach «śviečki svabody». Za miažoj akcyi salidarnaści časta prachodziać u ludnych miescach.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary