U Čadzie dźvie vialikija siamji pabilisia za kałodziež z vadoj, zahinuli 42 čałavieki
Na ŭschodzie afrykanskaj krainy Čad u vyniku mižsiamiejnych razborak zahinuli jak minimum 42 čałavieki, jašče 10 atrymali ranieńni. Pa słovach pradstaŭnikoŭ ułady, kanflikt pačaŭsia nie jak zvyčajnaje supraćstajańnie pamiž supolnaściami, a praz svarku pamiž dźviuma siemjami z-za dostupu da krynicy vady. Paźniej heta pierarasło ŭ šyrokuju chvalu pomsty i hvałtu.
Ułady śćviardžajuć, što chutkaje ŭmiašańnie sił biaśpieki dazvoliła spynić dalejšaje raspaŭsiudžvańnie sutyknieńniaŭ, i ciapier situacyja znachodzicca pad kantrolem.
Paranienych dastavili ŭ miedycynskija centry pravincyi Vadzi-Fira. Taksama abjaŭlena pra dva šlachi ŭrehulavańnia situacyi: tradycyjnaje prymireńnie dla hramadzianskaha boku kanfliktu i sudovyja pracedury dla vyznačeńnia kryminalnaj adkaznaści.
Urad Čada taksama vykazaŭ zaniepakojenaść mahčymym upłyvam na situacyju vajny ŭ susiednim Sudanie. Pa słovach aficyjnych asob, buduć pryniaty ŭsie miery, kab nie dapuścić destabilizacyi pryhraničnaha rehijona.
Uschodnija pravincyi Čada apošnija miesiacy prymajuć šmat biežancaŭ z achoplenaha hramadzianskaj vajnoj Sudana, što pavialičvaje napružanaść vakoł resursaŭ i biaśpieki.
Kamientary