Lego adpomściła kinaakademii «Leha-Oskaram»
Kali «Leha. Film» nie naminujecca na «Oskara», jon razdaje ŭłasnyja.
Na cyrymonii ŭručeńnia premij Amierykanskaj nacyjanalnaj kinaakademii ŭ abjektyŭ kamier tam-siam traplali statuetki, što nahadvali słavuty «Oskar», ale byli zroblenyja z kanstruktara Lego.
U hetym nie stolki pijaru, kolki lohkaj pomsty.
Poŭnamietražny multfilm «Leha. Film» paśpiachova prajšoŭsia pa śviecie — pry biudžecie ŭ 60 młn dalaraŭ jon sabraŭ u prakacie za pieršy ŭik-end 69 młn, a za ŭvieś čas — 257 młn u ZŠA i 211 młn pa astatnim śviecie. Hledačy i krytyki acanili jaho dosyć pazityŭna — u 7,8 i 8,3 bały adpaviedna pavodle IMDb.
Jaho praročyli ŭ naminanty na «Oskar» za najlepšy multfilm, ale jon atrymaŭ adno naminacyju na najlepšuju pieśniu (ździekliva-ŭtapičnaja «Everything is awesome» niepahana prajšłasia pa čartach). Nahadajem, statuetku za najlepšuju poŭnamietražnuju animacyju atrymaŭ «Horad hierojaŭ» (stavili na «Jak pryručyć drakona — 2»), a najlepšaj pieśniaj pryznanaja «Glory» ź filma «Sielma».
Kali surežysior «Leha. Filma» Filip Łord daviedaŭsia pra nie-naminavańnie, jon apublikavaŭ u Twitter žart. «Usio narmalna, ja zrabiŭ svoj», — tekst supravadžaŭsia karcinkaj zroblenaha z Lego «Oskara».
Žart Łorda padtrymaŭ mastak Nejtan Savaja — jon vyrabiŭ dastatkova leha-statuetak, kab jany traplali ŭ kadr nie radziej za sapraŭdnyja «Oskary».
Akramia taho, «Leha. Film» padtrymaŭ telekanał ABC — pieśnia «Everything is awesome» trapiła ŭ zastaŭki kanału padčas tranślacyi ŭručeńnia ŭznaharod.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary