Staršynia kamisii pa aŭdycie i zachavańni praviłaŭ FIFA Damienika Skała nie vyklučyŭ mahčymaści admieny praviadzieńnia čempijanataŭ śvietu ŭ Rasii ŭ 2018 ci Katary ŭ 2022 hodzie.
«Kali buduć pradstaŭleny dokazy, što hałasy byli nabytyja, tady vyniki hałasavańniaŭ mohuć być pryznanyja niesapraŭdnymi», - skazaŭ jon u intervju šviejcarskaj haziecie Sonntags Zeitung, apublikavanym u niadzielu.
«Adnak pakul takich dokazaŭ niama», - dadaŭ jon.
Padobnuju zajavu Skała rabiŭ u 2013 hodzie, adnak jaho słovy pryciahnuli ŭvahu tolki ŭ śviatle padziej apošnich dvuch tydniaŭ.
Amierykanskija i šviejcarskija ŭłady rasśledujuć akaličnaści prysudžeńnia Rasii i Kataru pravoŭ na praviadzieńnie čempijanataŭ śvietu. Rasija i Katar admaŭlajuć abvinavačvańni ŭ podkupie i inšych supraćpraŭnych dziejańniach.
Miž tym, ministr zamiežnych spraŭ Vialikabrytanii Filip Chemand zajaviŭ, što Anhlija nie budzie pretendavać na praviadzieńnie čempijanatu śvietu pa futbole 2022 hoda, navat kali budzie ŭstanoŭlena, što Katar atrymaŭ prava na čempijanat šlacham podkupu.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca9
Kamientary