Palicyja ŭ Vienhryi ŭžyła ślozatačyvy haz, kab spynić bojku, u jakoj pryniali ŭdzieł niekalki socień mihrantaŭ u łahiery biežancaŭ na ŭschodzie krainy, paviedamlaje Asašyejted pres sa spasyłkaj na MUS krainy.
Pryčynaj bojki stała svarka dvuch turkaŭ. Adzin ź ich vyrvaŭ z ruk inšaha Karan, špurnuŭ knihu na ziamlu i pačaŭ taptać jaje.
U kanflikt umiašalisia sotni nasielnikaŭ łahiera. Jany kidali adzin u adnaho kamianiami i padpalili kantejniery sa śmiećciem. Adzin palicejski atrymaŭ ranieńnie: jamu ŭ hałavu trapiŭ kamień.
Urad Vienhryi, praź jakuju tranzitam ruchajecca patok mihrantaŭ, maje namier pryniać žorstkija miery, kab skaracić mihracyju praz svaju terytoryju. U pryvatnaści, na miažy ź Sierbijaj płanujecca pabudavać ścianu daŭžynioj 175 km i vyšynioj 4 mietry.
Premjer-ministr Vienhryi Viktar Orban zajaviŭ, što jaho kraina nie žadaje prymać ekanamičnych mihrantaŭ i pryznaje biežancami tolki tych, chto ratujecca ad vajennych kanfliktaŭ.
U łahiery na ŭskrainie Debrecena, raźličanym na 800 čałaviek, ciapier znachodzicca udvaja bolš ludziej.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary