Śviata‑Bahajaŭlenski Kucieinski mužčynski manastyr u Oršy restaŭrujuć, rekanstrujujuć, uznoviać i prystasujuć.
Śviata‑Bahajaŭlenski Kucieinski mužčynski manastyr u horadzie Oršy Viciebskaj vobłaści planujecca ŭznavić i adrestaŭravać.
Jak paviedamiła karespandentu BIEŁTA namieśnica načalnika adździełu navukova‑prajektnych rabot i restaŭracyjnaj vytvorčaści ŭpraŭleńnia pa achovie historyka‑kulturnaj spadčyny i restaŭracyi Ministerstva kultury Volha Michajłava, Biełaruskaja respublikanskaja navukova‑praktyčnaja rada ŭ pytańniach historyka‑kulturnaj spadčyny pry Ministerstvie kultury rekamendavała Viciebskamu abłvykankamu vyznačyć zamoŭcu na vykanańnie rabot pa prajektavańni, restaŭracyi, rekanstrukcyi, uznaŭleńni j prystasavańni historyka‑kulturnaj kaštoŭnaści «Kucieinski manastyr» i ŭnieści prapanovu pa finansavańni rabot z dolevym udziełam miascovaha biudžetu.
Hieneralnamu prajektavalniku sumiesna z zamoŭcam, Viciebskaj japarchijaj, Kucieniskim manastyrom prapanavana raspracavać restaŭracyjnaje zadańnie na vykanańnie prajektna‑kaštarysnaj dakumentacyi, vypracavać prapanovy pa terminach, abjomach i etapach rabot na terytoryi Kucieinskaha manastyra. Zavieršyć navukova‑prajektnuju dakumentacyju rabot pieršaha etapu praduhledžana sioleta da 10 traŭnia.
Na razhlad Biełaruskaj respublikanskaj navukova‑metadyčnaj rady buduć padadzienyja prapanovy pa etapach vykanańnia rabot i pa abjomie ich finansavańnia. Miarkujecca, što pieršy etap finansavańnia rabot pa Kucinskim manastyry pačniecca ŭ 2009 hodzie.
Kamientary