U Biełarusi siarod biespracoŭnych, zvolnienych pa ŭłasnym žadańni i pahadnieńni bakoŭ, składajuć 32,6%, zvolnienyja za parušeńnie pracoŭnaj dyscypliny — 6,6%, vyzvalenyja pry likvidacyi arhanizacyj abo pa skaračeńni kolkaści— 2,3%. Pra heta paviedamili ŭ Nacyjanalnym statystyčnym kamitecie.
U struktury biespracoŭnych udzielnaja vaha žančyn — 33,5%, moładzi va ŭzroście da 31 hoda — 26,2 %, dola sielskich žycharoŭ — 16,5%.
Kolkaść biespracoŭnych, zarehistravanych u orhanach pa pracy, zaniataści i sacyjalnaj abaronie, na kaniec lipienia biahučaha hoda skłała 46,6 tys. čałaviek. Heta ŭ 2,2 raza bolš, čym na kaniec lipienia 2014 hoda i na 0,4% mienš, čym na kaniec červienia 2015-ha. Uzrovień zarehistravanaha biespracoŭja na kaniec lipienia biahučaha hoda skłaŭ 1% ad ekanamična aktyŭnaha nasielnictva (na kaniec lipienia 2014 hoda — 0,5%).
U studzieni-lipieni na ŭlik było pastaŭlena 158,9 tys. hramadzian, jakija źviarnulisia pa dapamohu ŭ pracaŭładkavańni, ź ich pryznana biespracoŭnymi 113,7 tys. čałaviek, abo 71,6% ad kolkaści tych, chto źviarnuŭsia. Akazana sadziejničańnie ŭ pracaŭładkavańni 94,1 tys. čałaviek, u tym liku 62,1 tys. biespracoŭnych, abo 66% ad kolkaści ŭsich pracaŭładkavanych. Na kaniec lipienia na 100 zajaŭlenych najmalnikami vakansij prypadała 170 biespracoŭnych, zarehistravanych u orhanach pa pracy, zaniataści i sacabaronie (hod tamu — 39 čałaviek).
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary