Administracyjna aryštavanyja pavinny mieści vulicy pa 8 hadzin u dzień — pastanova Saŭmina

Saviet Ministraŭ Biełarusi vyznačyŭ paradak pryciahnieńnia administracyjna aryštavanych da vykanańnia hramadska karysnych rabot. Takoje rašeńnie źmiaščajecca ŭ pastanovie №771 ad 15 vieraśnia 2015 hoda, apublikavanaj siońnia na Nacyjanalnym pravavym internet-partale, paviedamlaje BiełTA.

Pavodle dakumienta, jaki pryniaty jak vykanańnie dekreta ad 2 krasavika 2015 №3 «Ab papiaredžańni sacyjalnaha darmajedstva», vyznačajecca, što pryciahnieńnie da vykanańnia hramadska karysnych rabot asob, jakija adbyvajuć administracyjnaje spahnańnie ŭ vyhladzie administracyjnaha aryštu, ažyćciaŭlajecca na padstavie zajavak arhanizacyj, jakim naležać abjekty, uklučanyja ŭ pieraliki dla administracyjna aryštavanych. Zajaŭki pieradajucca arhanizacyjami ŭ terytaryjalnyja orhany ŭnutranych spraŭ, jakija majuć u struktury centr izalacyi pravaparušalnikaŭ albo izalatar časovaha ŭtrymańnia, nie paźniej jak za sutki da pačatku vykanańnia hramadska karysnych rabot.

Vyznačajecca, što štodzionnaja praciahłaść pryciahnieńnia administracyjna aryštavanych da vykanańnia hramadska karysnych rabot nie pavinna pieravyšać 8 hadzin, a tydniovaja praciahłaść — 40 hadzin.

Administracyjna aryštavanym na praciahu času vykanańnia hramadska karysnych rabot pradastaŭlajecca pierapynak dla adpačynku i charčavańnia praciahłaściu nie mienš za 20 chvilin i nie bolš za adnu hadzinu. Čas pierapynku dla adpačynku i charčavańnia nie ŭklučajecca ŭ praciahłaść vykanańnia hramadska karysnych rabot.

Praciahłaść vykanańnia administracyjna aryštavanymi hramadska karysnych rabot uličvajecca arhanizacyjaj. Na jaje ž ŭskładajecca abaviazak pa dastaŭcy administracyjna aryštavanych ź miesca adbyćcia administracyjnaha aryštu da miesca vykanańnia hramadska karysnych rabot i nazad, zabieśpiačeńni instrumientami, prystasavańniami, abstalavańniem i (pry nieabchodnaści) śpiecyjalnaj vopratkaj, abutkam i inšymi srodkami indyvidualnaj achovy, kantrolu za vykanańniem administracyjna aryštavanymi pracoŭnaj dyscypliny i techniki biaśpieki, jakaściu vykanańnia imi rabot.

U vypadkach nievykanańnia administracyjna aryštavanym ustanoŭlenych abaviazkaŭ pa vykanańni pracoŭnaj dyscypliny i (abo) patrabavańniaŭ biaśpieki pry vykanańni hramadska karysnych rabot, admovy ad ich vykanańnia, samavolnaha pakidańnia miesca vykanańnia hramadska karysnych rabot arhanizacyja nieadkładna paviedamlaje ab hetym administracyi miesca adbyćcia administracyjnaha aryštu.

Padstavaj dla vyzvaleńnia administracyjna aryštavanaha ad vykanańnia hramadska karysnych rabot źjaŭlajecca daviedka ab časovaj niepracazdolnaści.

Dadzienaja pastanova ŭstupaje ŭ siłu paśla jaje aficyjnaha apublikavańnia.

• 0
• 0
• 0
• 0
• 0
• 0
• 0
• 0