Staršynia Partyi BNF Alaksiej Janukievič ličyć padtrymku ŭ pačatku vybarčaj kampanii eks-kandydata ŭ prezidenty Taćciany Karatkievič svajoj pamyłkaj. Pra heta jon zajaviŭ 17 kastryčnika padčas pasiedžańnia sojmu arhanizacyi ŭ Minsku.
Spačatku partyja padtrymała Karatkievič jak pradstaŭnika kaalicyi «Narodny refierendum» i prymała ŭdzieł u zbory podpisaŭ za jaje vyłučeńnie, adnak 29 žniŭnia admoviłasia ad dalejšaj padtrymki. Sa słovaŭ Janukieviča, jon spadziavaŭsia, što Karatkievič stanie kandydatam ad «Narodnaha refierenduma», adnak kampanija «Havary praŭdu» atrymała svajho kandydata i nie była nastrojenaja damaŭlacca.
Pry hetym admova ad dalejšaj padtrymki Karatkievič na vybarach dazvoliła «minimizavać niehatyŭnyja nastupstvy» pryniataha raniej rašeńnia, ličyć staršynia Partyi BNF.
Jon stanoŭča aceńvaje vyniki ŭdziełu ŭ vybarčaj kampanii dla samoj Karatkievič, jakaja «vyjšła na ahulnanacyjanalny ŭzrovień, uvajšła ŭ historyju jak pieršy kandydat-žančyna» i «vyrasła jak publičny aratar». Ale ž sama kampanija była słabaj i adarvanaj ad rečaisnaści.
Janukievič taksama adznačyŭ, što byli nadziei na vysoki rejtynh u Karatkievič, jaki prymusić ułady vieści ź joj dyjałoh, ale «hetaja praca na rejtynh nie pryniesła vyniku».
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary