Na parłamienckich vybarach u Šviejcaryi pieramohu atrymała pravakansiervatyŭnaja Šviejcarskaja narodnaja partyja, jakaja vystupaje za žorstkuju mihracyjnuju palityku.
Partyja, zaručyŭšysia padtrymkaj 29,5% vybarščykaŭ, atrymała 65 deputackich mandataŭ z 200 u Nacyjanalnaj radzie, na 11 miescaŭ bolš u paraŭnańni z vybarami 2011 hoda.
43 deputackija mandaty zastalisia za Sacyjał-demakratyčnaj partyjaj Šviejcaryi.
Šviejcarskaja narodnaja partyja vystupaje za abmiežavańnie imihracyi i ŭviadzieńnie mihracyjnych kvot, a taksama baraćbu ź isłamizacyjaj i abaronu niejtralitetu Šviejcaryi.
Papularnaść partyi i jaje prahramy prykmietna vyrasła za apošnija miesiacy na fonie mihracyjnaha kryzisu ŭ Jeŭropie.
«Hałasavańnie było pakazalnym. Ludzi zaniepakojenyja masavaj mihracyjaj u Jeŭropu», - prakamientavaŭ vyniki vybaraŭ lidar partyi Toni Bruner.
U 2009 hodzie pa inicyjatyvie Šviejcarskaj narodnaj partyi ŭ krainie prajšoŭ refierendum ab zabaronie budaŭnictva ŭ krainie minaretaŭ. Tady prapanovu partyi padtrymali 57,5% vybarščykaŭ.
U 1992 hodzie partyja apynułasia faktyčna adzinym supiernikam dałučeńnia Šviejcaryi da Jeŭrapiejskaj ekanamičnaj supolnaści.
Kamientary