Viadomy rasijski muzykant Barys Hrabienščykoŭ pryniaŭ udzieł u Marafonie listoŭ pravaabarončaj arhanizacyi Amnesty International, u ramkach jakoha muzykant padpisaŭ pietycyi da ŭładaŭ Rasii, ZŠA, Siryi, Salvadora i Uźbiekistana z nahody vyzvaleńnia źniavolenych, čyje pracesy prachodzili z surjoznymi parušeńniami.
Hrabienščykoŭ pastaviŭ podpis pad listom da Hienieralnaha prakurora Rasii Juryja Čajki z zaklikam «pryniać terminovyja miery i admianić prysudy» asudžanym pa spravie ab «krymskim teraryźmie» režysioru Alehu Siancovu, Alaksandru Kolčanku i Hienadziu Afanaśjevu. U liście padkreślivajecca, što im treba albo pradjavić naležnyja abvinavačvańni, albo vyzvalić.
Siancoŭ, Kolčanka i Afanaśjeŭ byli zatrymanyja supracoŭnikami FSB u mai minułaha hoda. Pa viersii śledstva, jany zładzili padpał budynka «Ruskaj abščyny Kryma» i miascovaha adździaleńnia «Adzinaj Rasii», a taksama, pa viersii śledstva, płanavali terakty ŭ Krymie paśla dałučeńnia da Rasii.
25 žniŭnia Paŭnočna-Kaŭkazski akruhovy vajskovy sud prysudziŭ Aleha Siancova da 20 hadoŭ strohaha režymu, a krymskaha aktyvista Alaksandra Kolčanku da 10 hadoŭ kałonii. Sami jany abvinavačvańni adkidajuć i nie pryznajuć jurysdykcyi suda.
U Amnesty International adznačajuć, što raniej podpisy Hrabienščykova «paskoryli vychad na svabodu traich «bałotnych siadzielcaŭ» i kalininhradskich «viaźniaŭ ściaha»».
-
Rasijski apazicyjanier Jašyn raskazaŭ, čamu nie choča raspadu Rasii i jak dumaje pracavać ź biełaruskimi palitykami — repartaž
-
U Ałbanii źbirajucca stvaryć novuju karlikavuju musulmanskuju dziaržavu
-
Łancužki pastavak jak instrumient źniščeńnia. Padziei ŭ Livanie pakazali, što luby tavar na płaniecie moža stać zbrojaj
Kamientary