16-hadovy žychar Babrujska prysudžany da dziesiaci hadoŭ źniavoleńnia za narkotyki. Ab hetym paviedamiŭ hałoŭny śpiecyjalist adździeła statystyki i sudovaj praktyki Mahiloŭskaha abłasnoha suda Eduard Fiadotaŭ.
Ustanoŭlena, što abvinavačvany, majučy namier niezakonnaha abarotu psichatropnych rečyvaŭ, niezakonna nabyŭ asabliva niebiaśpiečnaje psichatropnaje rečyva. Uviečary 27 maja 2015 h. jon uhavaryŭ niepaŭnaletniaha ŭžyć hety narkotyk. Paśla čaho častku rečyva abvinavačany jamu ž i zbyŭ. Zatym abodva niepaŭnaletnija sumiesna ŭžyli narkotyk, a astatniuju častku padletak zachoŭvaŭ pry sabie z metaj dalejšaha zbytu.
Skrutak z rečyvam raślinnaha pachodžańnia, jaki źmiaščaje ŭ svaim składzie asabliva niebiaśpiečnaje psichatropnaje rečyva, byŭ znojdzieny ŭ kišeni štanoŭ padletka pry ahladzie jaho doktaram chutkaj miedycynskaj dapamohi paśla dastaŭki abvinavačanaha ŭviečary taho ž dnia ŭ Babrujskuju haradskuju dziciačuju balnicu.
Prysudam suda padletak pryznany vinavatym pa č.2 art.331 KK Biełarusi ŭ schileńni da spažyvańnia asabliva niebiaśpiečnych psichatropnych rečyvaŭ, ździejśnienym asobaj jakaja raniej učyniła złačynstva, praduhledžanaje art.328 KK, a taksama pa č.3 art.328 KK u niezakonnych z metaj zbytu nabyćci, zachoŭvańni, pieravozcy i niezakonnym zbycie psichatropnych rečyvaŭ zaviedama niepaŭnaletniamu, učynienych asobaj, jakaja raniej učyniła złačynstva, praduhledžanaje st.331 KK, u dačynieńni da asabliva niebiaśpiečnych psichatropnych rečyvaŭ.
U adpaviednaści z č.3 art.72 KK pa sukupnaści złačynstvaŭ šlacham častkovaha składańnia pakarańniaŭ kančatkova babrujčaninu pryznačana pakarańnie ŭ vyhladzie pazbaŭleńnia voli terminam na dziesiać hadoŭ z adbyvańniem u vychavaŭčaj kałonii.
Prysud u zakonnuju siłu nie ŭstupiŭ i moža być abskardžany i apratestavany va ŭstanoŭlenym paradku.
Kamientary