Prezident RF Uładzimir Pucin paviedamiŭ, što vajennaja apieracyja ŭ Siryi abyšłasia biudžetu ministerstva abarony Rasii ŭ 33 miljardy rubloŭ (pry siońniašnim kursie — kala 500 młn dalaraŭ).
Havoračy pra vyniki apieracyi, Pucin zajaviŭ, što Rasija «ŭ korani pierałamała situacyju». «My nie dali razraścisia terarystyčnaj puchlinie, razburanyja schrony bandytaŭ, ich składy sa zbrojaj i bojeprypasami, błakavanyja maršruty kantrabandy nafty, ad jakoj terarysty atrymlivali asnoŭnuju finansavuju padpitku», — skazaŭ prezident RF.
Pucin taksama zajaviŭ, što Rasija praviała «vielizarnuju pracu pa ŭmacavańni zakonnaj ułady i dziaržaŭnaści Siryi», a taksama stvaryła ŭmovy dla pačatku mirnaha pracesu.
Pucin vystupiŭ na cyrymonii ŭznaharodžańnia ŭdzielnikaŭ apieracyi ŭ Siryi. Uznaharod udastojeny 17 vajskoŭcaŭ, čaćviora ź ich atrymali zorki Hierojaŭ Rasii — heta pieršy namieśnik kamandujučaha vojskami Centralnaha vajennaha akruhi hienierał-pałkoŭnik Alaksandr Dvornikaŭ, aficer hałoŭnaha ŭpraŭleńnia Hienštaba pałkoŭnik Vadzim Bajkułaŭ, staršy šturman-vyprabavalnik pałkoŭnik Viktar Ramanaŭ i namieśnik kamandzira avijacyjnaj eskadrylli major Andrej Dźjačenka.
Pa aficyjnych dadzienych, ZŠA traciać na avijaŭdary pa terarystach u Siryi i Iraku 11,5 miljona dalaraŭ u dzień. Rasijskaja apieracyja, jakaja praciahvałasia 167 dzion, kaštavała značna tańniej: prykładna 2,8 miljona dalaraŭ u dzień (pa kursie 70 rubloŭ za dalar).
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ103
Kamientary