Hramadzki aktyvist Jaŭhien Batura biez tłumačeńnia byŭ zatrymany 23 červienia na praspekcie Niezaležnaści nasuprać paštamtu, dzie prachodziła akcyja salidarnaści z Eduardam Palčysam. Supracoŭniki DAI spynili jaho «BČB-mabil», mašynu ź bieł-čyrvona-biełymi ściažkami i nalepkami, pasadzili ŭ milicejskuju mašynu i advieźli ŭ Maskoŭski RUUS. Mašynu paźniej apisali, kažučy, što taja nibyta va ŭhonie.
Ale 1 lipienia mašynu viarnuli, tak i nia daŭšy aficyjnaha vytłumačeńnia.
«Niama nijakaj versii, nijakich papieraŭ, dakumentaŭ mnie nie dali, — kaža Svabodzie Batura. Mašyna była ŭ Maskoŭskim RUUSie, mašynu prosta addali — i ŭsio. Zajechaŭ niejki supracoŭnik milicyi, ź im dajechali na majoj mašynie da ekspertyzy, a jon addaŭ techpašpart i źjechaŭ. Ja ŭžo sam addaŭ mašynu na ekspertyzu. Pahladzieli — skazali: zrazumieła, u vas tam nia moža być ničoha kiepskaha, jedźcie sabie. Ekspertyza 10 chvilin była.
Ničoha nie pamianiałasia z nalepkami i ściažkami. Adzinaje, treba pravieryć, kab ničoha nie padkinuli, bo ŭsialakaje moža być. Bo rečy nibyta nie varušyli, heta adzinaje, što turbuje.
Budu zmahacca, chaču, kab sprava dajšła da sudu, bo ŭsie dokazy ŭ mianie jość. Advakat bačyŭ falšyvy rapart, bačyŭ, što ŭ spravie niama nijakaha pratakołu kanfiskacyi, navat falšyvaha. Ja napisaŭ skarhi i ŭ prakuraturu, i ŭ HUUS — čatyry skarhi napisaŭ, kab patłumačyli, na jakoj padstavie zabirali mašynu, kab vinavatych pakarali».
Akcyja «BČBmabil», jakuju ładzić «Art-siadziba», pačałasia 16 červienia. Achvočym prapanoŭvajecca ŭstalavać na mašynie bieł-čyrvona-biełyja ściažki, što nie zabaroniena nijakimi zakonami i praviłami. Za dva tydni prynamsi trojčy milicyja zatrymlivała ŭładalnikaŭ «BČBmabilaŭ». I kali mienčuka Cimafieja Drančuka ŭ vyniku aštrafavali «za taniroŭku škła», to ŭ taksoŭščyka Leanida Kułakova prosta pad dźviaryma RUUS nieviadomyja skrali ściažki.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary