28 traŭnia na plenarnym pasiadžeńni deputaty Pałaty pradstaŭnikoŭ ratyfikavali pahadnieńnie pamiž uradami Biełarusi i Polščy ab uzajemnych pajezdkach hramadzian. U im siarod inšaha ŭstanaŭlivajecca mahčymaść atrymańnia hramadzianami biaspłatnaj vizy dzieciam da šaści hadoŭ, navučencam, studentam, aśpirantam i nastaŭnikam, jakija ich supravadžajuć u pajezdcy z metaj navučańnia.
28 traŭnia na plenarnym pasiadžeńni deputaty Pałaty pradstaŭnikoŭ ratyfikavali pahadnieńnie pamiž uradami Biełarusi i Polščy ab uzajemnych pajezdkach hramadzian.
Namieśnik ministra zamiežnych spraŭ Viktar Hajsionak paviedamiŭ, što pahadnieńnie było zaklučana 20 śniežnia 2007 hoda, kali Polščy była nakiravana adpaviednaja nota biełaruskaha boku. Pryniaćcie dakumienta vyklikana dałučeńniem Polščy 21 śniežnia 2007 hoda da Šenhienskaha pahadnieńnia i nieabchodnaściu ŭ suviazi z hetym adaptavać jaje zakanadaŭstva da patrabavańniaŭ adzinaj vizavaj palityki Eŭraźviazu.
Jak zaznačyŭ namieśnik ministra, pahadnieńnie skiravana na ŭrehulavańnie pytańniaŭ, źviazanych z umovami ŭjezdu, vyjezdu, časovaha znachodžańnia i tranzytu pa terytoryi Biełarusi i Polščy hramadzian abiedźviuch dziaržaŭ, uklučajučy sproščanuju praceduru atrymańnia viz dla asobnych katehoryj.
Pahadnieńnie praduhledžvaje pavieličeńnie terminu znachodžańnia hramadzian na terytoryi dziaržaŭ bakoŭ da 180 dzion na hod (90 dzion na praciahu paŭhoda z daty pieršaha ŭjezdu).
Dakument utrymlivaje normy, što ŭstanaŭlivajuć biaźvizavy režym pajezdak dla hramadzian, jakija majuć dziejnyja dyplamatyčnyja pašparty. Ad abaviazacielstva atrymańnia viz vyzvalajucca taksama členy ekipažaŭ pavietranych sudnaŭ, hramadzianskich marskich sudnaŭ i niekatoryja inšyja.
U pahadnieńni ŭstanoŭleny termin razhladu chadajnictvaŭ ab atrymańni vizy — piać pracoŭnych dzion. U ekstranych vypadkach termin dla pryniaćcia rašeńnia moža być skaročany da troch pracoŭnych dzion.
Ustanaŭlivajecca mahčymaść atrymańnia hramadzianami biaspłatnaj vizy dzieciam da šaści hadoŭ, navučencam, studentam, aśpirantam i nastaŭnikam, jakija ich supravadžajuć u pajezdcy z metaj navučańnia.
Ciapier čytajuć
Marata Markava pierasunuli z pasady ministra infarmacyi ŭ ministry kultury26
Kamientary