Urad FRH adchiliŭ patrabavańnie Ankary ab admienie viz pamiž Turcyjaj i ES. U advarotnym vypadku turecki bok pahražaje anulavać pahadnieńnie ź ES pa biežancach.
Turcyja pavinna vykanać umovy dla libieralizacyi vizavaha režymu, i tolki tady možna budzie abmiarkoŭvać hetaje pytańnie, zajaviŭ u paniadziełak, 1 žniŭnia, aficyjny pradstaŭnik ministerstva zamiežnych spraŭ Hiermanii Marcin Šefier (Martin Schäfer).
Nahodaj dla jaho vykazvańnia stali słovy ministra zamiežnych spraŭ Turcyi Mieŭluta Čavušahłu pra toje, što Ankara admovicca vykonvać pahadnieńnie pa biežancach u tym vypadku, kali Brusel da kastryčnika nie ŭviadzie biaźvizavy režym dla tureckich hramadzian.
Padobnym čynam adreahavaŭ na pahrozu z tureckaha boku i vice-kancler FRH Zihmar Habryel (Sigmar Gabriel). Pavodle jaho słoŭ, dla admieny vizaŭ Ankara «pavinna vykanać normy, jakija patrabuje Jeŭraźviaz». Pakolki ŭ dadzieny momant hetaha nie adbyvajecca, Turcyja nie maje prava akazvać cisk na ES, padkreśliŭ niamiecki palityk.
Hienieralny sakratar Chryścijanska-demakratyčnaha sajuza Andreas Šojer (Andreas Scheuer) nazvaŭ «pahrozy i ultymatumy» «novym stylem u palitycy Turcyi pry Erdahanie», dadaŭšy, što ŭ ciapierašni momant mahčymaść admieny vizaŭ pamiž Turcyjaj i krainami ES «całkam vyklučana».
Jon zajaviŭ taksama, što ES znachodzicca «nie na tureckim bazary», kab handlavacca ab admienie 72 umoŭ vizavaj libieralizacyi.
Ciapier čytajuć
Kudy ciapier jeduć vučycca biełaruskija studenty — top krain i tendencyj12
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary