Pieršapačatkova źjezd abjadnańnia musiŭ adbycca jašče 17 traŭnia, ale byŭ pieraniesieny z pryčyny taho, što «ŭ rabočuju hrupu pa raspracoŭcy prahramy «Biełaj Rusi» pastupiła šmat kankretnych i abhruntavanych prapanovaŭ pa jaje dapracoŭcy». Kazałasia, što źjezd moža prajści ŭ červieni.
Pryčyny novaha pieranosu daty — niaskončanaść arhanizacyjnaj pracy. Pa‑raniejšamu nie pryniataje prahrama ruchu, nie zaćvierdžany lahatyp. Jość i inšyja bolš drobnyja momanty.
Nahadajem, što naprykancy krasavika z dosyć rezkaj krytykaj «Biełaj Rusi» vystupiŭ A.Łukašenka padčas štohadovaha zvarotu da narodu i parlamentu. Kiraŭnik dziaržavy skazaŭ:
«Ja nie źbirajusia ŭstupać u nijakuju partyju. Ja nie vychodziŭ z partyi. Ale, kryj Hospadzie, siłaj zahaniać u jakuju arhanizacyju. Ja jašče pahladžu, jakija tam čynoŭniki. Kali ŭžo ŭźnikła heta arhanizacyja, dyk nie zaminajcie joj, chaj jana stvarajecca źnizu. Kab zdaść ispyt, to dobra, kali nie — to budzie parciejkaj, jak niekatoryja siońnia».
Mnohija źviazvajuć arhanizacyjnyja prablemy abjadnańnia akurat z tymi zajavami Łukašenki.
U parlamenckich vybarach jak partyja «Biełaja Ruś» nie źbirajecca ŭdzielničać, ale padtrymaje niekatorych kandydataŭ. Taksama viadoma, što na siońniašni dzień abjadnańnie naličvaje 80 tysiač členaŭ pa ŭsioj krainie, u pačatku krasavika było 75 tysiač.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary