U 1360-staronkavym tomie — pracy pa archieahrafii i krynicaznaŭstvie.
Padrychtoŭka Zboru tvoraŭ Mikałaja Ŭłaščyka ŭ troch tamoch pačałasia ŭ 2009 hodzie.
Patreba takoha vydańnia była pradyktavanaja nienarmalnaju sytuacyjaj, što skłałasia z papularyzacyjaj tvorčaje spadčyny hetaha najbujniejšaha biełaruskaha historyka XX st.
Biełaruskija vydaviectvy achvotna vydavali Ŭłaščykavy publikacyi, jakija ŭ isnaści byli druharadnymi dla jahonaha tvorčaha profilu: dziońniki, etnahrafičnyja narysy, listavańnie j da taho padobnaje.
Ale asnoŭny tvorčy darobak, źviazany ŭłasna z histaryčnymi daśledavańniami, u systemnym vyhladzie nikoli nie vydavaŭsia paśla śmierci daślednika.
Dziaržaŭnyja vydaŭcy nia bralisia za taki prajekt ź idealahičnych i palityčnych pryčynaŭ, pryvatnyja — praz ahromnuju kolkaść vydatkaŭ, jakija niepaźbiežna ciahnie za saboju takaja praca.
Z metaju zboru tvoraŭ Mikałaja Ŭłaščyka byŭ stvorany časovy redakcyjny kalektyŭ, u jaki ŭvajšli historyki Dźmitry Vićko, Maksim Halpiarovič, Dzianis Stolar i Alaksandar Paškievič. U ramkach prajektu planujuć vydać faktyčna ŭsie pracy Mikałaja Ŭłaščyka, jakija redakcyjny kalektyŭ klasyfikavaŭ jak navukovyja.
Vychad 2 tomu Zboru tvoraŭ Mikałaja Ŭłaščyka čakajecca ŭ druhoj pałovie 2017 hodu.
Pieršy tom zboru tvoraŭ viadomaha biełaruskaha historyka ŭklučaje ŭ siabie krynicaznaŭčyja i archieahrafičnyja daśledavanni, h. zn. manahrafii «Narysy pa archieahrafii i krynicaznaŭstvu historyi Biełarusi fieadalnaha pieryjadu» i «Uvodziny ŭ vyvučeńnie biełaruska-litoŭskaha letapisańnia», artykuły, recenzii i pradmovy da roznych publikacyj na adpaviednuju tematyku, a taksama dva paśmiarotnyja vydanni, jakija płanavalisia jak treciaja i čaćviortaja knihi hetaj tematyčnaj sieryi: «Narysy pa archieahrafii i krynicaznaŭstvie historyi Biełarusi dasavieckaha pieryjadu: častka druhaja» i «Miemuary i dzionniki jak krynicy pa historyi Biełarusi».
Kniha maje 1360 staronak i ćviorduju vokładku, a hieahrafičny dy imienny pakaźniki składajuć 78 staronak.
Infarmacyja pra toje, jak atrymać knihu, jość na sajcie časopisa Arche.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary