U Oršy maršrutka źbiła školnika, jaki raptoŭna vybieh na darohu, paviedamiŭ karespandentu BiełTA načalnik adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc.
DTZ adbyłosia siońnia ŭ 10.05 u rajonie doma №34 pa vuł.Tekstylščykaŭ. «Haziel» z kiroŭcam 1969 hoda naradžeńnia i čatyrma pasažyrami ruchałasia pa maršrucie №5, kali raptam pa-za piešachodnym pierachodam z tratuara vyskačyŭ chłopčyk. Kiroŭca pasprabavaŭ syści ad sutyknieńnia, vyjechaŭ na sustrečnuju pałasu, ale ŭsio roŭna začapiŭ dzicia. Toj jašče zmoh dabiehčy da tratuara, dzie spyniŭsia z-za traŭmy», - rastłumačyŭ Alaksandr Kaziučyc. Akazałasia, što 8-hadovy chłopčyk, druhakłaśnik adnoj sa škoł horada, śpiašaŭsia zabrać rovar u babuli i vyrašyŭ zrezać šlach.
U vyniku sutyknieńnia zarabiŭ pierałom pravaj halonki i byŭ špitalizavany. Nichto z pasažyraŭ maršrutki nie paciarpieŭ. Kiroŭca nie maje parušeńniaŭ ad 2015 hoda. Pa fakcie DTZ pravodzicca pravierka, vyśviatlajucca ŭsie akaličnaści. DAI nahadvaje darosłym ab nieabchodnaści bolš uvažliva sačyć za dziećmi, asabliva pablizu niebiaśpiečnych abjektaŭ, u tym liku kala prajeznaj častki.
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary