Zarpłata biudžetnikaŭ u Biełarusi siońnia na čverć mienšaja, čym u realnym siektary. U krasaviku, pavodle danych Biełstata, atrymałasia 588,4 rubla zamiest 777 rubloŭ. Pieršy namieśnik ministra finansaŭ Maksim Jermałovič na spravazdačy ŭ parłamiencie skazaŭ, što dziaržava budzie staracca ŭtrymlivać razryŭ na ŭzroŭni 20%, ale na pavyšeńnie hrošaj u krainie pakul niama, piša Tut.by.
Pavodle jaho słoŭ, letaś na zarobki ŭ biudžetnaj śfiery dziaržava vydatkavała bolš za 5 miljardaŭ rubloŭ. Heta kala 30% kansalidavanaha biudžetu krainy.
«Letaś my strymlivali rost zarobkaŭ u biudžetnaj śfiery, zabiaśpiečvajučy, nakolki heta mahčyma, zachavańnie ich realnaha ŭzroŭniu. Dumaju, takaja palityka budzie zachoŭvacca i ŭ 2017-m, — skazaŭ Maksim Jermałovič. — Znajści krynicy dla taho, kab zabiaśpiečvać dadatkovyja vydatki biudžetu na vypłatu zarpłaty, vielmi składana».
Pa jaho słovach, luboje pavyšeńnie zarobkaŭ u biudžetnym siektary akazvaje istotnuju nahruzku na biudžet: kardynalna źmianiaje ŭsiu strukturu vydatkaŭ i prymušaje skaračać vydatki na inviestycyjnyja i inavacyjnyja prahramy.
«Uzrovień kapitalnych vydatkaŭ u nas užo i tak nižejšy, čym u susiednich krainach. Dalejšaje ich skaračeńnie pryviadzie da surjoznych źmien u stanie ŭsioj sacyjalnaj i ekanamičnaj infrastruktury», — patłumačyŭ namieśnik ministra finansaŭ.
Adzinaja mahčymaść pavialičyć dachody biudžetnikaŭ — pavysić pradukcyjnaść pracy i razam ź joj zarpłaty. Tolki nie za košt dziaržavy, a nakiravaŭšy na heta ŭnutranyja reziervy.
«Inšaj prapanovy ŭ mianie niama, tamu što inakš pavyšeńnie niama čym apłačvać», — skazaŭ Maksim Jermałovič.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary