«Śviataja Ruś» i padłodka «Kursk», maršał Uścinaŭ i Chrystos — płakat ad haściej z Rasii na chrosnym chodzie ŭ Mahilovie FOTA
6 žniŭnia ŭ Mahilovie prajšli mierapryjemstvy ŭ honar śviaciciela Hieorhija Kaniskaha. Ale, jak viadoma, dzie pravasłaŭnyja mierapryjemstvy, tam, čaściej za ŭsio i «kazaki». A dzie kazaki — tam i «Śviataja Ruś». Tak adbyłosia i ŭ Mahilovie.
U dzień 300-sothodździa z dnia naradžeńnia śviaciciela Hieorhija Kaniskaha ŭ kafiedralnym Spasa-Preabraženskim sabory Mahilova prajšła liturhija, jakuju słužyŭ mitrapalit Minski i Zasłaŭski Pavał.
Na ŭračystaściach prysutničała ŭsia miascovaja namienkłatura: staršynia Mahiloŭskaha harvykankama Uładzimir Cumaraŭ, staršynia Mahiloŭskaha rajvykankama Anatol Dućko z namieśnikami i inšyja.
Paśla zakančeńnia liturhii z sabora da Archijerejskaha vała prajšoŭ masavy chrosny chod. Druhi chrosny chod da doma Kaniskaha ŭ hety ž čas prajšoŭ sa Śviata-Nikolskaha žanočaha manastyra.
Udzielničali ŭ im i kazaki. Heta byli «ułachovičaŭcy» — pradstaŭniki «Biełaruskaha kazactva», jakoje ŭznačalvaje Mikałaj Ułachovič. Heta bačna pa šaŭronach, taksama heta paćvierdziŭ pres-sakratar Mahiloŭskaj jeparchii Illa Sidarovič.
Ale ž nie abyšłosia i biez kanfuzaŭ.
Na dom Kaniskaha prykrucili voś taki płakacik.
Na im Kutuzaŭ i Suvoraŭ, i maršał Žukaŭ, i admirał Ušakoŭ… Padłodka «Kursk» i Zoja Kasmadziamjanskaja, Isus Chrystos i Nikałaj II ź siamjoj, maršał Uścinaŭ i ŭdzielniki niadaŭnich vojnaŭ Rasii…
«Ataman» Ułachovič skazaŭ, što pra ŭdzieł jaho kazakoŭ u mierapryjemstvach jon « infarmacyi nie atrymlivaŭ, tamu biez kamientaroŭ».
Ale ž jak sam Ułachovič, tak i jaho «kazaki» viadomyja vyklučnaj praŭładnaj pazicyjaj i aściarožnaściu ŭ vykazvańniach.
Vyśvietliłasia, što płakat paviesili hości z Rasii — muzyki z duetu «Šah v niebo» z Sankt-Pieciarburhu. Anhielina i Siarhiej Słabodčykavy vykonvajuć «pravasłaŭna-patryjatyčnyja» pieśni.
Voś charakterny trek pad nazvaj «Danbas»(u jakim ryfmujecca Ruś i Biełaruś, idzie vajna dabra sa złom i ŭsio takoje).
Uvohule, Słabodčykavy — typovyja sučasnyja «pravasłaŭnyja patryjoty» z Rasii. Jany ličać hierojami savieckich hienierałaŭ i sumujuć pa carskaj Rusi, radujucca Pucinu i ščyra vierać, što va Ukrainie zachapili ŭładu fašysty.
«Słabodčykavych zaprašali pravasłaŭnyja aktyvisty, prychadžanie. Ale, kaniečnie, heta ŭzhadniałasia ź jeparchijaj i ŭładami», — paviedamiŭ «Našaj Nivie» pres-sakratar Mahiloŭskaj jeparchii Sidarovič.
-
Kamandujučy VPS: Kolkaść zamiežnych vojskaŭ la miežaŭ Biełarusi źmienšyłasia, z krainami NATA idzie ŭzajemadziejańnie
-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
Ciapier čytajuć
U harach Kyrhyzstana z drona adšukali cieły źnikłych biełaruskich alpinistaŭ10
Kamientary