U 18‑hadovaha błohiera, jaki ciapier siadzić za machinacyi z dabračynnym zboram, naradziłasia dačka
18‑hadovy błohier z Hrodna Michaił Drahun staŭ baćkam, znachodziačysia za kratami. Pra naradžeńnie dački paviedamiła jahonaja 38‑hadovaja partniorka, taksama błohierka Jaŭhienija Tarasienka.
Dziaŭčynka naradziłasia 7 žniŭnia, nazvali jaje Ahataj. Praktyčna da samych rodaŭ Tarasienka publična nie raskazvała pra svaju ciažarnaść i paviedamiła pra jaje litaralna ŭ apošni momant.
Pavodle jaje słoŭ, dzicia para płanavała zahadzia, pryčym inicyjataram naradžeńnia dziciaci byŭ mienavita Michaił. Daviedałasia žančyna pra ciažarnaść 5 śniežnia 2025 hoda — prykładna praź miesiac paśla zatrymańnia ich abodvuch.
Jana taksama apublikavała archiŭnaje videa, na jakim paviedamlaje Michaiłu hetuju navinu. Jaho pieršaj reakcyjaj, pavodle videa, była emacyjnaja fraza ź niedavieram da pačutaha.
Praź niekalki dzion paśla hetaha Drahuna ŭziali pad vartu. Tarasienka napisała, što paśla hetaha zastałasia adna z budučym dziciom. U nastupnyja miesiacy jana dzialiłasia jahonymi listami z-za krataŭ. Pavodle jaje słoŭ, Michaił prasiŭ jaje nie rabić abort.
Michaił Drahun i Jaŭhienija Tarasienka — papularnyja ŭ Hrodnie błohiery. U 2024 hodzie para navat paŭdzielničała ŭ praŭładnym realici-šou «Fabryka błohieraŭ».
Ale mnohija pra ich daviedalisia paśla hučnaha skandału z dabračynnym zboram.
Zhodna z aficyjnaj infarmacyjaj, razam sa svajoj kachanaj Michaił prapanoŭvaŭ padpisčykam za 10 rubloŭ udzielničać u rozyhryšy, dzie hałoŭnymi pryzami byli smartfony ci aŭtamabil. Arhanizatary zajaŭlali, što tolki nievialikaja častka hrošaj pojdzie na pryzy, a ŭsiu astatniuju sumu addaduć na lačeńnie chłopčyka. Źbirali hrošy dla vaśmihadovaha Vani Ściacenki, u jakoha ciažkaja hienietyčnaja chvaroba — mijadystrafija Dziušena. Nieabchodny chłopcu ŭkoł kaštavaŭ 2,9 miljona dalaraŭ.
Ahułam błohierami było sabrana 1,5 miljona rubloŭ. Ale mamie chvoraha dziciaci jany pieradali tolki 200 tysiač rubloŭ, 315 tysiač vydatkavali na pryzy dla ŭdzielnikaŭ strymu. Astatniaje puścili na šykoŭnaje žyćcio.
Michaił trapiŭ za kraty, jašče kali jamu było 17.
Sioleta ŭ lipieni jaho sudzili. Drahuna pryznali vinavatym u pryčynieńni majomasnaj škody šlacham padmanu i złoŭžyvańnia davieram, a taksama ŭ paklopie. Akramia taho, kala 130 tysiač rubloŭ, jakija sud pryznaŭ dachodam ad złačynstva, kanfiskavanyja ŭ dachod dziaržavy.
Michaiłu dali adzin hod i šeść miesiacaŭ pazbaŭleńnia voli.
U SIZA Drahun znachodzicca ź siaredziny śniežnia 2025 hoda, a pakolki dla niepaŭnaletnich dzień u SIZA zaličvajecca za dva, to da vychadu na svabodu jamu zastajecca ŭžo nie tak šmat času.
Pamiatajecie błohiera, jakoha ŭ 17 hadoŭ zatrymali za machinacyi z hrašyma dla dziciaci z SMA? Jaho 38‑hadovaja kachanaja ciažarnaja
Vynieśli prysud hrodzienskamu błohieru, jakoha vinavacili ŭ machinacyjach sa zboram na Vaniu Ściacenku
17‑hadovaha błohiera Michaiła Drahuna, jaki źbiraŭ hrošy dla lačeńnia Vani Ściacenki, buduć sudzić. A jahonuju 37‑hadovuju siabroŭku — nie
Zbor dla Vani Ściacenki zakryli hrašyma z aryštavanych srodkaŭ hrodzienskich błohieraŭ
Kamientary