Navukoŭcy vyśvietlili, jakoje słova ludzi najčaściej havorać u śnie
Vyniki daśledavańnia śpiecyjalistaŭ ź niekalkich navukovych centraŭ Francyi apublikavanyja ŭ časopisie Sleep.
U ekśpierymiencie ŭdzielničali 232 čałavieki roznaha ŭzrostu i połu. U bolšaści byli pavodnickija prablemy, źviazanyja sa snom, - u stanie hłybokaha snu jany viali siabie niespakojna, chadzili abo pakutavali ad kašmaraŭ, tamu čaściej, čym zdarovyja ludzi, razmaŭlali ŭ śnie. Navukoŭcy na praciahu niekalkich načej adsočvali, što mienavita i jak jany pramaŭlajuć.
Daśledčykam udałosia razabrać amal try z pałovaj tysiačy słoŭ. Samym papularnym ź ich vyjaviłasia słova «nie». U cełym razmovy ŭ śnie byli ahresiŭnymi - ludzi z kimści kanfliktavali, vyśviatlali adnosiny, kamuści pahražali. Da 10% fraz utrymlivali brudnuju łajanku, pryčym u mužčyn - značna čaściej, čym u žančyn.
Pry hetym u śnie ŭdzielniki ŭsłych vykarystoŭvali nienarmatyŭnuju leksiku i prajaŭlali słoŭnuju ahresiju značna valniej, čym padčas niaspańnia. Vietlivyja słovy i frazy ŭ razmovach u śnie sustrakalisia paraŭnalna redka.
U toj ža čas, niahledziačy na emacyjnaść, havorka udzielnikaŭ była hramatyčna i sintaksična pravilnaj, z sensavymi naciskami.
Padčas ŭjaŭnaj sprečki z kimści ludzi navat rabili paŭzy, jak byccam dajučy surazmoŭcu mahčymaść adkazać na abvinavačvańni, što kaža pra toje, što mozh u hety čas aktyŭna pracuje, adznačyli daśledniki.
Žorstki, ahresiŭny charaktar razmovaŭ u śnie moža być adlustravańniem sapraŭdnych niehatyŭnych pačućciaŭ, što ź niejkich pryčynaŭ zastalisia ŭtojenymi, nie vykazanymi ŭsłych dniom, miarkujuć aŭtary daśledavańnia.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary