Rasijskaja akciorka apraŭdała seksualnyja damahańni: Chiba mužčyna nie dla hetaha isnuje?
Tak miarkuje Luboŭ Tałkalina, jakaja zdymałasia ŭ filmach «Antykiler», «Ja kachaju ciabie» dy «Słuchač».
Paśla taho, jak suśvietna viadomyja akciorki zajavili pra seksualnyja damahańni z boku znakamitaha amierykanskaha kinapradziusara Charvi Vajnštejna, jaho karjera lacić u tartarary. Spačatku Vajnštejna zvolnili z Weinstein Company, u jakoj jon źjaŭlaŭsia adnym z ułaśnikaŭ. Ciapier — vyklučajuć z Kiroŭnaj rady Hildyi pradziusaraŭ Amieryki.
Tałkalinaj stała ščyra škada Vajnštejna, i jana ŭziałasia horača jaho abaraniać. Vyhladaje, što jana adzinaja, chto publična apraŭdaŭ dziejańni režysiora.
«Jany [žančyny, jakija abvinavacili Charvi Vajnštejna] pastupili nie zusim pa-dziavočy. Tamu što seksualnyja damahańni — nu heta ž vydatna, nu praŭda. Kali ty maješ rolu, to jakaja roźnica, jak ty jaje atrymała. Mnie zdajecca, musić być, naadvarot, niejkaja salidarnaść. Usim dobra — i jamu dobra, i im dobra, i hledačam, samaje hałoŭnaje, dobra. Źjavilisia takija cudoŭnyja roli.
Naohuł, jak možna vinavacić mužčynu ŭ seksualnych damahańniach, chiba jon nie dla hetaha isnuje na śviecie? Kali ŭ jaho jość ułada, jakoj jon takim voś čynam karystajecca, — to dobra. Heta ž vydatna, kali seksualna damahajecca ciabie čałaviek, u jakoha takaja vialikaja ŭłada, ci nie tak?» — patłumačyła akciorka svaju pazicyju «Mieduzie».
Tałkalina dadała, što sama jana nikoli nie stanaviłasia achviaraj hvałtu. Na jaje dumku, žančyna zaŭsiody sama vinavataja ŭ damahańniach.
Siarod žančyn, jakija abvinavacili Vajnštejna ŭ damahańniach, — zorki kinaindustryi Andželina Džali, Hviniet Pełtroŭ, Ešli Džad, Roŭz Makhoŭen, Razana Arkiet i inšyja.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć50
Kamientary