Łukašenkaŭcy ŭ svaim styli

Pravaabaroncam z byłoha centru «Viasna» ludzi pieradali dakument pad nazvaj «Rašeńnie na zabieśpiačeńnie achovy pravaparadku i darožnaj biaśpieki ŭ peryjad padrychtoŭki i praviadzieńnia na terytoryi Bresckaj vobłaści vybaraŭ...».

Dakumient pad nazvaj «Rašeńnie na zabieśpiačeńnie achovy pravaparadku i darožnaj biaśpieki ŭ pieryjad padrychtoŭki i praviadzieńnia na terytoryi Bresckaj vobłaści vybaraŭ u deputaty Pałaty pradstaŭnikoŭ Nacyjanalnaha schodu Respubliki Biełaruś čaćviortaha sklikańnia», zaćvierdžany načalnikam UUS Bresckaha abłvykankama pałkoŭnikam milicyi V.Ł. Kraśničienkam i ŭzhodnieny z načalnikam UKDB pa Bresckaj vobłaści pałkoŭnikam Ł.N. Dziadkovym i prakuroram Bresckaj vobłaści, starejšym daradcam justycyi S.K. Chmarukom.

Z hetaha dakumienta, datavanaha 7 žniŭnia 2008 hoda , stała viadoma ab stvareńni na terytoryi Bresckaj vobłaści Situatyŭna‑apieratyŭnaha štaba (SAŠ) UUS «u metach kaardynacyi dziejańniaŭ sił i srodkaŭ, zadziejničanych na achovu pravaparadku ŭ pieryjad praviadzieńnia vybarčaj kampanii 2008 hoda». U hety štab uvajšli pradstaŭniki roznych strukturnych padraździaleńniaŭ abłasnoha UUS.

Akramia mierapryjemstvaŭ, jakija sapraŭdy źjaŭlajucca nieabchodnymi dla zabiaśpiečańnia hramadskaha paradku i biaśpieki hramadzian u pieryjad padrychtoŭki i praviadzieńnia vybaraŭ, paznačanyja i takija, što vyklikajuć vialikuju zaniepakojenaść i pratest pravaabaroncaŭ.

Pavodle dadzienaha dakumienta, roznym strukturnym padraździaleńniam i ich kiraŭnikam stavicca zadača na praviadzieńnie nastupnych mierapryjemstvaŭ:

pryniać:

previentyŭnyja miery pa papiaredžańni mahčymych pravakacyjnych dziejańniaŭ, niejtralizacyi hramadzian, jaki vynošvajuć zamysły sarvać, dezarhanizavać padrychtoŭku i praviadzieńnie vybaraŭ ci ažyćciavić akcyi pa destabilizacyi abstanoŭki ŭ pieryjad padrychtoŭki i praviadzieńnia vybaraŭ, u tym liku z boku niefarmalnych moładzievych hrupovak;

arhanizavać:

pracu sa śpiecaparatam, aryjentavaŭšy jaho na vyjaŭleńnie asobaŭ, schilnych da ździajśnieńnia supraćpraŭnych dziejańniaŭ u pieryjad padrychtoŭki i praviadzieńnia vybaraŭ, u tym liku praviadzieńnia niesankcyjanavanych mierapryjemstvaŭ;

arhanizavać:

svaječasovaje infarmavańnie SAŠ UUS ab pierasoŭvańni diestruktyŭna nastrojenych hramadzian čyhunačnym transpartam;

pravieści:

pracoŭnyja sustrečy sa staršyniami sudoŭ pa pytańniach skaračeńnia kolkaści prymianieńnia da asobaŭ, jakija ździejśnili pravaparušeńni, spahnańniaŭ u vyhladzie administratyŭnych aryštaŭ na čas praviadzieńnia vybaraŭ;

pastavić:

ŭ abaviazki padraździaleńniam darožna‑patrulnaj słužby DAI adsočvańnie na maršrutach patrulavańnia faktaŭ rasklejvańnia ŭlotak, pieravozki drukavanych vydańniaŭ, vyrablenych z parušeńniem ustanoŭlenaha zakanadaŭstva, vyviešvańnia ściahoŭ nieŭstanoŭlenaj simvoliki i niedapuščeńnie nadpisaŭ na fasadach budynkaŭ i zbudavańniaŭ, praviadzieńnia niesankcyjanavanych mierapryjemstvaŭ;

arhanizavać kantrol za praviadzieńniem:

prafiłaktyčnych razmovaŭ z paštaljonami adździaleńniaŭ suviazi, starastami sielskich savietaŭ ab niedapuščalnaści praviadzieńnia ź ich boku niezakonnaj ahitacyi i raspaŭsiudu drukavanych materyjałaŭ antydziaržaŭnaha źmiestu, svaječasovaha infarmavańnia pravaachoŭnych orhanaŭ pry vyjaŭleńni hramadzian, jakija zajmajucca antydziaržaŭnaj ahitacyjaj i zaklikajuć da bajkotu vybaraŭ;

arhanizavać uzajemadziejańnie

z UKDB Respubliki Biełaruś pa Bresckaj vobłaści i terytaryjalnymi adździełami na pieryjad padrychtoŭki i praviadzieńnia vybaraŭ – pa pytańniach kantrolu za pieramiaščeńniem i znachodžańniem zamiežnych hramadzian, apieratyŭnaha kantrolu za liderami destruktyŭnych sił, asobami, jaki zadumvajuć terarystyčnyja akty;

zabiaśpiečyć:

svaječasovaje adsočvańnie i pradstaŭleńnie pa faksu ŭ SAŠ UUS niehatyŭnaj infarmacyi, nadrukavanaj u srodkach masavaj infarmacyi, jakaja datyčycca padrychtoŭki i praviadzieńnia vybaraŭ.

Zychodziačy z analizu dadzienaha dakumienta, pravaabaroncy prychodziać da nastupnych vysnovaŭ:

‑‑ pierad siłavymi viedamstvami krainy ŭ čarhovy raz stavicca zadača ab adsočvańni i praviadzieńni apieratyŭna‑vyšukovych mierapryjemstvaŭ u dačynieńni da pradstaŭnikoŭ apazicyjnych ruchaŭ i partyjaŭ;

‑‑ rychtujucca previentyŭnyja aryšty pradstaŭnikoŭ apazicyjnych ruchaŭ, asabliva moładzievych arhanizacyjaj, na piaredadni i padčas praviadzieńnia vybaraŭ;

‑‑ rychtujucca aryšty hramadzian u suviazi ź ich udziełam u mahčymych mirnych akcyjach pratestu.

Uličvajučy vopyt papiarednich vybarčych kampanij 2006 i 2007 hh., kali previentyŭnyja niezakonnyja aryšty aktyvistaŭ apazicyi nasili masavy charaktar, Pravaabarončy centr «Viasna» vykazvaje svaju surjoznuju zaniepakojenaść mahčymaściu paŭtareńnia padobnaha scenara i padčas biahučaj vybarčaj kampanii.

Pravaabaroncy nahadvajuć łukašenkaŭcam, što pavodle zakonu vybary ŭ krainie pavinny adbyvacca vyklučna ŭ miežach dziejučaha zakanadaŭstva, adkryta i hałosna, u atmaśfiery davieru. Usialikija «niejtralizacyi», previentyŭnyja aryšty i tamu padobnyja dziejańni nosiać niezakonny charaktar i buduć rasceńvacca jak fakty hrubaha parušeńnia pravoŭ čałavieka.

Pravaabroncy abiacajuć, što ab usich faktach parušeńnia pravoŭ čałavieka buduć infarmavać mižnarodnuju supolnaść, u tym liku mižnarodnyja naziralnyja misii ABSIE i SND, a taksama biełaruskuju hramadskaść.

• 0
• 0
• 0
• 0
• 0
• 0
• 0
• 0