U chodzie pravierki Minski rajonny adździeł Śledčaha kamiteta ŭstanaŭlivaje asobu mužčyny, cieła jakoha znojdziena 29 vieraśnia ŭ lasnym masivie pablizu źjezdu z darohi Minsk — Maładziečna na Ratamku.
Sudova-miedycynskaja ekśpiertyza pakazała, što pryčynaj śmierci stała miechaničnaja aśfiksija ad ściskańnia orhanaŭ šyi piatloj pry paviešańni.
Dakumientaŭ, mabilnaha telefona, bankaŭskich kart u chodzie ahladu nie vyjaŭlena. Ciapier śledčyja sprabujuć vyśvietlić asobu mužčyny.
Na vyhlad zahinułamu 50-55 hadoŭ, jaho rost 175 sm, siaredniaha ciełaskładu. Vałasy sivyja karotkija, majucca załysiny, tvar avalny, łob siaredni, vočy šera-błakitnyja, nos šyroki, vusny siaredniaj taŭščyni, padbarodak kvadratny. Mužčyna byŭ apranuty ŭ zimovyja boty čornaha koleru, sinija džynsy, bardovy švedar i biełuju majku. Na levym zapiaści ŭ jaho mielisia naručny hadzińnik Casio ŭ čornym mietaličnym korpusie z skuranym ramieńčykam. U pravaj kišeni džynsaŭ znojdzieny mietaličny kluč.
Kali chtości paznaŭ mužčynu, milicyja prosić paviedamić ab hetym pa telefonach 8 (017) 302-51-81, 8 (017) 302-51-86, 8 (029) 308-30-87, albo źviarnucca ŭ Minski RASK (Minsk, vuł. Skryhanava, 4.).
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary