Maładaja śpiavačka Adela Volskaja prezentavała na TuzinFM pieršuju paŭnavartasnuju pracu «Kazka», u jaki ŭvajšli dzieviać piesień.
«Hety albom — historyja majho žyćcia ad padletkavaha ŭzrostu da siońniašniaha dnia. «Kazka» — miks usiaho, što mianie napaŭniaje. Niezvyčajnaje hučańnie i dosyć prosty tekst — moj padychod da piesień. Ja vieru, što ŭsie ludzi, niahledziačy na rucinu dy ŭnutranyja pieražyvańni, dzieści ŭ hłybini serca marać pra cudy, voś mienavita pra heta moj albom», — kaža aŭtarka. U muzyčnym płanie «Kazka» raznastajnaja, tut adčuvajecca kantry, rehi i džaz.
Albom zapisvaŭsia ŭ polskim Lublinie, dzie ciapier vučycca Adela Volskaja. Muzyčnyja partyi zapisali jaje adnakurśniki. Usiu muzyku i słovy napisała sama Adela, u kampazicyi «Žyćcio adno» suaŭtaram muzyki vystupiŭ Stas Dodź.
Śpiavačka ŭžo maje materyjał i natchnieńnie dla druhoha alboma. Što da kancertnaj prezientacyi, jaje miarkujecca pravieści na pačatku leta.
Kamientary