Łukašenka pra sproby Nazarbajeva pieranieści pieramovy pa Ukrainie ŭ Kazachstan: Niechta choča Nobieleŭskuju premiju miru atrymać
«Hetuju temu ŭ srodkach masavaj infarmacyi raskrucili, da skandału dajšło. Ja viedaju, što nikudy hetaja placoŭki nie dzieniecca. Niaŭžo jeŭrapiejskija prablemy chtości pajedzie ŭ Aziju vyrašać?» — zajaviŭ Alaksandr Łukašenka 18 lutaha.
Jak pieradaje BiełTA, prezident padkreśliŭ, što, kali buduć dasiahnuty damoŭlenaści ab pieranosie pieramovaŭ u inšyja stalicy, biełaruski bok nie budzie hetamu piarečyć. «My asabliva nie pieražyvajem za toje, što pajšli hetyja razmovy. Heta dla mianie nie navina. Niechta choča Nobieleŭskuju premiju miru atrymać, niechta jašče čaho-niebudź choča. Ale chacieć nie škodna, treba razumnyja prapanovy ŭnosić, kab uvieś śviet nie śmiajaŭsia», — dadaŭ kiraŭnik Biełarusi.
Pry hetym Alaksandr Łukašenka ŭpeŭnieny, što pytańnie ab pieranosie pieramovaŭ pa Ukrainie nie abmiarkoŭvałasia na sustrečy prezidentaŭ ZŠA i Kazachstana, jak pra heta mnohija pišuć.
«Ja nie toje, što nie vieru, ja viedaju, što hetaje pytańnie Tramp nie ŭzdymaŭ. U kahości śviarbiać ruki abmierkavać hetaje pytańnie i padacca miratvorcam. Tamu nijakich tam abmierkavańniaŭ nie było, sustreča była karotkaja, nie da hetaha było. Vy viedajecie jaje vyniki: nibyta kredyty na $7,5 młrd padpisanyja, viedajecie, pa jakich kirunkach — vuhlevadarody i inšyja resursy. Heta było hałoŭnaje, — skazaŭ Łukašenka. — Tamu treba supakoicca i zakryć hetuju temu», — miarkuje jon.
U apošnija dni źjaviłasia infarmacyja, što abmiarkoŭvajecca prapanova ab nakiravańni ŭ Danbas miratvorčaha korpusa, składzienaha z vajskoŭcaŭ Biełarusi, Šviecyi i Brazilii. Sa słoŭ Alaksandra Łukašenki, ideja dałučyć da miratvorčaj apieracyi našu krainu naležyć NATA. Reč u tym, što Biełarusi daviaraje Rasija. U toj ža čas Ukraina skieptyčna pastaviłasia da prapanovy ab adpraŭcy biełaruskaha kantynhienta ŭ Danbas, bo RB uvachodzić u Arhanizacyju Damovy ab kalektyŭnaj biaśpiecy i tym samym źjaŭlajecca sajuźnikam Rasii.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary