Ivan Ejsmant patłumačyŭ, čamu Biełteleradyjokampanija nie nadała ŭvahi śviatkavańniu Dnia Voli ŭ Minsku.
Kiraŭnik telekampanii adreahavaŭ na materyjał «Našaj Nivy», jaki nazyvaŭsia «Što napisali pra Dzień Voli BiełTA, «Sovietskaja Biełoruśsija», BT i ANT?» i ŭtrymlivaŭ adno słova: «Ničoha». Materyjał byŭ apublikavany 25 sakavika ŭ 21:37.
«Ja z pavahaj staŭlusia da luboha punktu hledžańnia, ale voś hetaje «Što napisała BT? Ničoha»…
Pa-pieršaje, kiraŭnik luboha srodku masavaj infarmacyi sam maje prava vyrašać, što jamu pakazvać, a što nie pakazvać. Choć my i pakazali.
[Zhadka pra śviatkavańnie 25 Sakavika źjaviłasia ŭ prahramie «Hałoŭny efir» na «Biełaruś 1» paźniej za publikacyju «NN», u 22:03 i praciahvałasia 30 siekund. Na sajcie Biełteleradyjokampanii Dzień Voli tak i nie byŭ uzhadany]
Pa-druhoje, što datyčyć hetaha vypadku. Ja nie chaču pakazvać hulańni ludziej, jakija jorničajuć z aficyjnaha Dnia niezaležnaści 3 Lipienia, što źviazany z vyzvaleńniem ad fašyzmu.
A ŭ lipieni idzie sapraŭdnaje jornictva. Mnie heta nie padabajecca. Taja pieramoha była nie zboram ramantykaŭ [jak abviaščeńnie BNR], a byli šmatmiljonnyja achviary. Dla mianie jak čałavieka heta darahoje. Moža, kamuści na heta plavać, a ja heta caniu. Voś takaja maja reakcyja».
Temu padchapiŭ kiraŭnik «Biełaj Rusi» Hienadź Davydźku, jaki zhadaŭ temu 75-hodździa Chatyni. «U adyjoznych srodkach masavaj kamunikacyi štości nie mocna pra hetu datu kazali. Moža, jany ŭvohule nie viedali, na jakim baku byli: u vioscy ci … [na baku karnikaŭ]?»
«Voś ja mienavita pra heta», — pahadziŭsia Ivan Ejsmant.
Memento. 10 faktaŭ pra Chatyń, jakija musić viedać kožny
Piać faktaŭ pra novaha staršyniu Biełteleradyjokampanii Ivana Ejsmanta
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY14
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary