U Kijevie razhladajuć try sposaby vyrašeńnia kanfliktu na Danbasie. Pra heta ŭ efiry «Hramadskaha radyjo» raspavioŭ namieśnik ministra pa pytańniach časova akupavanych terytoryj i ŭnutrana pieramieščanych asob Juryj Hrymčak.
Pavodle pieršaha, siłavoha varyjantu, ukrainskaja armija za dva tydni atrymaje poŭny kantrol nad terytoryjami samaabvieščanych respublik. Adnak taki scenar naŭrad ci budzie zadziejničany z-za aściarohi adkazu z boku Rasiei, ličyć palityk.
«U Charvatyi byli Sierbskaja kraina i Uschodniaja Słavonii. Sierbskuju krainu vyzvalili vajennym šlacham — šlacham apieracyi charvackaj armii, ale sierbskaja armija zastalisia ŭ kazarmach i nie pajšła nasustrač charvackaj armii», — raspavioŭ jon, rastłumačyŭšy, što prezidenta Sierbii Słabadana Miłošaviča na toj momant pastavili ŭ takich umovach, što jon nie staŭ addavać zahad ab ruchu vojskaŭ i ŭmiašalnictvie ŭ vajenny kanflikt.
«Druhi varyjant, jaki byŭ vykarystany va Uschodniaj Słavonii, my siońnia razhladajem jak asnoŭny. Heta ŭviadzieńnie miratvorčaj misii, jakoj papiaredničaje vyvad zamiežnych vojskaŭ, vyvad rasiejskich najmitaŭ. Taksama treba budzie razzbroić bajevikoŭ, stvaryć mižnarodnuju pierachodnuju administracyju dla pieradačy hetych terytoryj pad kantrol Ukrainy», — skazaŭ Hrymčak.
U śniežni 2017 hoda Hrymčak raspavioŭ ab «adzinym sposabie viartańnia Kryma i Danbasa». Na jaho dumku, da hetaha pavinny pryvieści cisk i sankcyi suprać Rasiei.
-
Znajšli statuetku «Oskara» Paŭła Tałankina, što zhubiłasia padčas pieralotu ź Ńju-Jorka ŭ Frankfurt
-
Žonka zahinułaha biełaruskaha dobraachvotnika patrabuje źmianić zakon pra zvańnie «Hieroj Ukrainy», jakim nielha ŭznaharodzić zamiežnikaŭ
-
Rasšyfravany virus Fast16, jaki škodziŭ iranskaj jadziernaj prahramie
Ciapier čytajuć
U Jeŭrasajuzie 550 tysiač biełarusaŭ z dazvołami na žycharstva4
Kamientary