Prezident ZŠA Donald Tramp raspytvaŭ pamočnikaŭ ab metazhodnaści prymianieńnia siły suprać aŭtarytarnaha ŭrada Vieniesueły. Pra heta paviedamlaje telekanał CNN sa spasyłkaj na vysokapastaŭlenaha supracoŭnika administracyi, adznačaje Radyjo Svaboda.
Pytańnie było ŭźniataje ŭ žniŭni minułaha hoda na naradzie ŭ Biełym domie, pryśviečanaj ekanamičnym sankcyjam, jakija ZŠA ŭvodzili tady ŭ dačynieńni da Karakasa. Pamočniki rašuča adhavorvali Trampa ad interviencyi, pakazvajučy na vielmi admoŭnuju acenku sajuźnikami Vašynhtona ŭ Łacinskaj Amierycy padobnaha siłavoha scenaru. Nie varta ryzykavać adnadušnym asudžeńniem krainami rehijona dyktatarskaj palityki vieniesuelskaha prezidenta Madura, padkreślivali pamočniki Trampa.
«Nijakich apieratyŭnych płanaŭ uvarvańnia ŭ lubym vypadku nie isnavała, — zaŭvažyła krynica CNN, — i prezident prosta razvažaŭ uhołas» ab roznych šlachach urehulavańnia situacyi z uciekačami, jakuju vyklikaŭ kryzis u Vieniesuele.
Praź dzień paśla zhadanaj narady Tramp, razmaŭlajučy z žurnalistami, zajaviŭ, što «nie kładzie pad sukno» siłavyja varyjanty reahavańnia na kryzis u Vieniesuele. U vieraśni letaś Tramp sustreŭsia z mnohimi łacinaamierykanskimi lidarami, jakija prybyli ŭ Ńju-Jork na adkryćcio čarhovaj siesii AAN. Usie jany vykazalisia suprać idei ŭzbrojenaha ŭvarvańnia.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary